ارىس حالقىنا ءالى دە ساق بولعان ءجون - توتەنشە جاعدايلار كوميتەتى

ورتالىق كوممۋنيكاتسيالار قىزمەتىندە وتكەن بريفينگتە ۆلاديمير بەككەر تەمىرجول بويىنان جارىلماعان سنارياد تابىلعانىن ايتتى.

«ساپەرلىك بولىمشەلەردەن 1287 ادام 80 توپقا ءبولىنىپ، ارىس اۋماعىن تازارتىپ جاتىر. بۇگىنگە دەيىن 11400 وق-ءدارى مەن بولشەك تابىلعان. قالانىڭ بىرنەشە جەرىندە ءورت بولعانىن بىلەسىزدەر. سوندىقتان بەيساۋات سناريادتاردىڭ جارىلۋ قاۋپى تومەن. ولاي ەكەن دەپ ساقتىقتى جوعالتۋعا بولمايدى. ارىستىقتارعا سنارياد بولشەكتەر كەزدەسسە، نە ىستەۋ كەرەكتىگى جاپپاي ءتۇسىندىرىلدى»، - دەيدى كوميتەت ءتوراعاسى.

سونداي-اق، ول ساپەرلىك جۇمىستار كەزىندە تەمىرجول بويىنان تابىلعان جارىلعىش زاتتىڭ ىسكە قوسىلعان قالپى جارىلماي قالعانىن ايتتى.

«تەمىرجول توراپتارىن تازارتۋ كەزىندە ماماندار جارىلماعان سنارياد تاۋىپ الدى. جارىلمادى دەگەنىڭىز بولماسا، وزدىگىنەن ىسكە قوسىلىپ قالعان. مۇنى كورگەن ساپەرلاردىڭ وزدەرى دە قاتتى تاڭعالدى»، - دەدى ۆلاديمير بەككەر.

ەسكە سالساق، ق ر قورعانىس مينيسترلىگى كەشە ارىس قالاسىندا جارىلۋ قاۋپى جوق قارۋ-جاراق بولشەكتەرىن جويۋ جۇمىستارىن باستاعان بولاتىن. بۇعان دەيىن تۇركىستان وبلىسى اكىمىنىڭ ورىنباسارى جولدىمۇرات امانبايەۆ اپاتتان زارداپ شەككەن ارىس تۇرعىندارىنىڭ ءارقايسىنا 100 مىڭ تەڭگەدەن تولەۋ ءۇشىن ەكى اپتانىڭ ىشىندە 44 مىڭنان اسا ادام تۋرالى مالىمەت جينالاتىنىن ايتقان بولاتىن. بۇگىنگى تاڭدا بۇلىنگەن 247 جەكە ءۇي جوندەلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى