الەۋمەتتىك تۇرعىن ۇيگە كەزەككە تۇرۋشىلاردىڭ اۆتوماتتاندىرىلعان بازاسى قۇرىلادى
بۇل تۋرالى بۇگىن ۇكىمەت وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى رومان سكليار ايتتى، دەپ حابارلايدى قازاقپارات ءتىلشىسى.
«نۇرلى جەر» باعدارلاماسىنىڭ اياسىندا كوپ بالالى وتباسىلار ءۇشىن تۇرعىن ءۇي ساتىپ الۋعا جانە سالۋعا قارجى قاراستىرىلدى. رەسپۋبليكالىق بيۋجەتتەن جىلىنا 50 ميلليارد تەڭگە نەمەسە 7 -جىلدا 350 ميلليارد تەڭگە ءبولۋ جوسپارلانۋدا. جىل سايىن تۇرعىن ۇيمەن 6 مىڭ كوپ بالالى وتباسى، 7 جىلدا 40 مىڭ وتباسى قامتىلادى. وسى جىلدىڭ مامىر ايىنان باستاپ 1480 كوپ بالالى وتباسىعا باسپانا بەرىلدى»، - دەدى مينيستر.
ونىڭ ايتۋىنشا، نۇر-سۇلتان، الماتى، شىمكەنت قالالارىنداعى جۇمىس ىستەيتىن جاستاردىڭ ەڭبەك ۇتقىرلىعىن قامتاماسىز ەتۋ ءۇشىن 2019-2021-جىلدارى جىلىنا 1 مىڭ جالدامالى پاتەردىڭ قۇرىلىسى جوسپارلانعان. مەملەكەت باسشىسىنىڭ تاپسىرماسىنا سايكەس جۇمىس ىستەيتىن جاستار ءۇشىن جالدامالى تۇرعىن ۇيلەردى ساتىپ الۋعا جانە سالۋعا قارجىلاندىرۋ كولەمى ۇلعايۋدا.
بۇل بىزگە جۇمىس ىستەيتىن جاستارعا 2019، 2020 جانە 2021-جىلدارى 3 مىڭ جالدامالى پاتەردەن بەرۋگە مۇمكىندىك جاسايدى.
«تۇرعىن ءۇي قۇرىلىس جيناق بانكى كوپ بالالى، تولىق ەمەس وتباسىلارعا جانە مۇگەدەك بالاسى بار وتباسىلارعا تۇرعىن ءۇي الۋعا جىلدىق 2 پايىزبەن جانە 10 پايىزدىق العاشقى جارنامەن جەڭىلدەتىلگەن نەسيە بەرۋدى باستادى. بۇل ماقساتتارعا 3 جىل ىشىندە 150 ميلليارد تەڭگە ءبولۋ قاراستىرىلعان. جىل سايىن 6 مىڭ وتباسى الەۋمەتتىك كومەكپەن قامتىلادى»، - دەدى ول.
ر. سكليار ۇلتتىق بانكپەن بىرگە جالدامالى تۇرعىن ءۇيدى دامىتۋعا جەكە ينۆەستورلاردى تارتۋ تەتىگى ازىرلەنىپ جاتقانىن سونىڭ ەسەبىنەن قوسىمشا 10 مىڭ جالدامالى پاتەر سالۋعا مۇمكىندىك تۋاتىندىعىن جانە جىلىنا 20 مىڭ وتباسى باسپانامەن قامتىلاتىندىعىن باسا ايتتى.
«تۇرعىن ءۇي قۇرىلىسىن وسىرۋمەن قاتار ءبىز الەۋمەتتىك تۇرعىن ءۇيدى ۇيلەستىرۋ تەتىگىن جەتىلدىرۋ جانە بۇل پروتسەستەردىڭ اشىقتىعىن ارتتىرۋ بويىنشا جۇمىستار جۇرگىزۋدەمىز. بۇل ءۇشىن ءبىرىڭعاي رەسپۋبليكالىق اۆتوماتتاندىرعان كەزەكتە تۇرۋشىلار بازاسى قۇرىلۋدا. ازاماتتار ءوز كەزەگىنىڭ جىلجۋىن ونلاين رەجىمدە قاداعالاي الادى. جالپى قابىلدانىپ وتىرعان شارالار تۇرعىن ۇيگە مۇقتاج ازاماتتاردىڭ ماسەلەسىن قىسقا مەرزىمدە شەشۋگە مۇمكىندىك بەرەدى. مەملەكەت باسشىسىنىڭ بارلىق تاپسىرمالارى ۋاقتىلى جانە تولىق ورىندالادى»، - دەدى مينيستر.
