احمەتجان ەسىموۆ «قورعاس - شىعىس قاقپاسىنا» باردى
قور باسشىسى «قورعاس» كولىكتىك-لوگيستيكالىق حاب اۋماعىندا ورنالاسقان جالپى كولەمى 3010 شارشى مەتر بولاتىن «قازپوشتا» ا ق- نىڭ كەدەن قويماسىمەن تانىستى. قويما اۋە جەتكىزۋ مەرزىمىن 2-3 كۇنگە جانە كولىك جەتكىزۋ مەرزىمىن 7-12 كۇنگە دەيىن قىسقارتۋعا مۇمكىندىك بەرەدى، سونداي-اق پوشتا وپەراتورىنا سەرىكتەستەر سانىن ۇلعايتۋعا مۇمكىندىك بەرەدى.
اتاپ ايتقاندا، بۇگىندە «قازپوشتا» ا ق ينفراقۇرىلىمىن Clevy, «OBORCloud Network Technology Co.، Ltd» كومپانيالارمەن جانە باسقا دا قىتايلىق لوگيستيكالىق كومپانيالارمەن كەلىسىمگە قول جەتكىزدى. سونىمەن قاتار، قىتايلىق سەرىكتەستەر وسى جىلدىڭ سوڭىنا دەيىن قازاقستان ارقىلى 400 توننادان استام تاۋار جىبەرۋگە دايىن.
قويما قىتايدان ەۋروپالىق وداق پەن ورتالىق ازيا ەلدەرىنە جىبەرىلەتىن ترانزيتتىك جۇكتەردى وڭدەۋگە ارنالعان. قويمانىڭ وندىرىستىك قۋاتتىلىعى تاۋلىگىنە 15-20 توننا، ال سىيىمدىلىعى 58 توننانى قۇرايدى.
سونداي-اق، احمەتجان ەسىموۆ قۇرعاق پورت پەن «زاريا Ltd» ج ش س استىق تەرمينالىنا باردى. مۇندا 2018-جىلدىڭ قورىتىندىسى بويىنشا وڭدەلگەن كونتەينەرلەردىڭ كولەمى 2017-جىلمەن سالىستىرعاندا %39 عا ارتىپ، 133 مىڭنان استام ج ف ە ( جيىرما فۋنتتىق ەكۆيۆالەنت) قۇرايدى.
ايتا كەتكەن ءجون، التىنكول شەكارا بەكەتىنىڭ لوگيستيكالىق ينفراقۇرىلىمىن، «قورعاس - شىعىس قاقپاسى» ا ە ا- نىڭ قۇرعاق پورتىن، اقتاۋ تەڭىز پورتىن بەلسەندى پايدالانۋ وسى باعىتتى جانە بۇكىل ايماقتى دامىتۋعا ىقپال ەتەدى.
اعىمداعى جىلدىڭ ءساۋىر ايىندا قوردىڭ قولداۋىمەن اقتاۋ تەڭىز پورتىنان قازاقستاننىڭ العاشقى «تۇركىستان» فيدەرلىك كەمەسى باكۋ پورتىنا جول تارتتى. سونىمەن قاتار، قور باسشىسى ا ە ا اۋماعىندا جاڭا نىسانداردى ىسكە قوسۋ جوسپارالارىمەن تانىستى. 2019-جىلدىڭ سوڭىنا دەيىن ا ە ا- دا ءتورت جاڭا زاۋىت اشىلادى. 2025-جىلعا دەيىن جالپى قۇنى 421 ميلليارد تەڭگەنى قۇرايتىن 10 ينۆەستيتسيالىق جوبا جۇزەگە اسىرىلاتىن بولادى.
