ق ر قورعانىس مينيسترلىگى ارىستا قارۋ-جاراق بولشەكتەرىن جويۋعا كىرىستى
جويۋ جۇمىستارى جۇمىس كۇندەرى تاڭعى ساعات 9 دان كەشكى 18.00 گە دەيىن جۇرگىزىلەدى.
ونىمەن قارۋلى كۇشتەردىڭ ينجەنەرلىك اسكەرلەر ءبولىمى اينالىسادى. قۇجاتتارعا سايكەس، تاسىمالداۋعا جارامايتىن قارۋ-جاراق بولشەكتەرى ارسەنال اۋماعىندا، ال قالعان بولشەكتەر ارىس قالاسىنان سولتۇستىككە قاراي 60 شاقىرىم جەرگە شىعارىلىپ، «قازارسەنال» ارنايى جابدىقتالعان پوليگونىندا بەلگىلەنگەن تارتىپپەن جويىلادى.
«قۇرمەتتى ارىس قالاسىنىڭ تۇرعىندارى! جويۋ كەزىندە جەرگىلىكتى تۇرعىندارعا قاۋىپ كەلتىرمەيتىن قاتتى داۋىستار شىعۋى مۇمكىن. قورعانىس ۆەدومستۆوسى دۇربەلەڭگە تۇسپەۋدى سۇرايدى. جويۋ كەزىندە بارلىق قاۋىپسىزدىك شارالارى ساقتالادى»، - دەپ ەسكەرتتى ق ر قورعانىس مينيسترلىگىنەن.
