تەڭىزدەگى وقيعا: پوليتسيا جالعان اقپارات تاراتقاندار جازالاناتىنىن ەسكەرتتى
تۇسىندىرمە جۇمىستارى جۇرگىزىلدى، قازىرگى ۋاقىتتا جاعداي تۇراقتى، دەپ حابارلايدى قازاقپارات.
«ق ر ق ك 293-بابىنا («بۇزاقىلىق») سايكەس سوتقا دەيىنگى تەرگەپ-تەكسەرۋ جۇمىستارى ءجۇرىپ جاتىر. تەرگەۋ اياسىندا وقيعاعا قاتىستى ادامداردى انىقتاۋعا باعىتتالعان كەشەندى جەدەل تەرگەۋ ارەكەتتەرى جۇرگىزىلۋدە»، - دەپ حابارلادى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.
سونداي-اق، whatsاpp مەسسەندجەرىندە جانە الەۋمەتتىك جەلىلەردە تاراعان تەڭىز ۆاحتا قالاشىعىندا جەزوكشەلىكپەن اينالىسۋعا ارنالعان بىرنەشە پريتوننىڭ انىقتالعانى تۋرالى اقپارات شىندىققا سايكەس كەلمەيدى.
ايتا كەتەلىك، اتىراۋ وبلىسى پوليتسيا دەپارتامەنتى ارانداتۋعا بوي الدىرماۋعا جانە شىندىققا سايكەس كەلمەيتىن اقپاراتتى تاراتپاۋعا كەڭەس بەرەدى. اتالعان زاڭبۇزۋشىلىق ءۇشىن قىلمىستىق جاۋاپكەرشىلىك كوزدەلگەن.
