الەمگە ايگىلى جۇلدىزدى جۇپتار اجىراسقالى جاتىر

بۇل تۋرالى vsedoramy.ru سايتى حابارلايدى.

27- ماۋسىم كۇنى تاڭەرتەڭ سون دجۋن كيدىڭ رەسمي وكىلى، ادۆوكات پاك چجە حەن مالىمدەمە جاساعان.

«26- ماۋسىم كۇنى سون دجۋن كي مىرزانىڭ اتىنان ءبىزدىڭ زاڭ فيرما سەۋلدىڭ وتباسىلىق ىستەر جونىندەگى سوتىنا ارىز تاستادى. ودان بولەك، ءبىز سون دجۋن كي مىرزانىڭ رەسمي مالىمدەمەسىن نازارلارىڭىزعا ۇسىنباقپىز»، - دەپ جازدى ول.

ال سون دجۋن كي ءوز مالىمدەمەسىندە تابىنۋشىلارىنان كەشىرىم سۇراعان.

«سالەم. بۇل سون دجۋن كي. مەنى جاقسى كورىپ، مەن ءۇشىن الاڭدايتىن تابىنۋشىلارىما مۇنداي جاعىمسىز جاڭالىق جەتكىزەتىنىمە وكىنىشتىمىن. ءبىراق، مەن سون حە گەمەن اجىراسۋ پروتسەسسىن باستاپ كەتتىم. ءبىر-ءبىرىمىزدى سىناعانشا، اجىراسۋ پروتسەسى داۋسىز اياقتالادى دەپ سەنەمىن. مەن سىزدەرگە جەكە ءومىرىم جايلى ايتۋ قيىن ەكەنىن جەتكىزگىم كەلەدى. بۇل جارادان ايىعىپ، سىزدەردى جاقسى رولدەرمەن قۋانتۋ ءۇشىن بارىمدى سالامىن. راحمەت»، - دەگەن ول.

بۇل جاڭالىققا قاتىستى سون حە گەنىڭ United Artist Agency اگەنتتىگى دە پىكىر ءبىلدىردى.

«مىنەزدەگى ايىرماشىلىقتارعا سايكەس، سون دجۋن كي مەن سون حە گە اجىراسۋعا بەل بۋدى. باسقاسى- اكتەرلەردىڭ جەكە ءومىرى»، - دەدى رەسمي وكىل.

ايتا كەتەيىك، سون دجۋن كي مەن سون حە گەنىڭ ماحاببات رومانى «كۇن ۇرپاقتارى» دوراماسىندا باستى رولدەردى سومداعان ساتتەن باستاۋ العان. ولار ەكى جىل بۇرىن وتاۋ قۇرعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى