ەلوردا كۇنىندە مەرەكەلىك وتشاشۋ بولمايدى
اتاپ وتەر جايت، بيىلعى باعدارلاما الەۋمەتتىك باعىتقا ارنالعان جانە كورەرمەن كوپ قاتىسادى دەپ جوسپارلانىپ وتىر. سونداي- اق، استانا كۇنىن مەرەكەلەۋ اياسىندا وتەتىن اقىلى كونسەرتتەر مەن تەاترلاندىرىلعان قويىلىمداردىڭ بيلەتتەرىن ساتۋدان تۇسكەن قارجى قايىرىمدىلىق ماقساتتارعا جۇمسالادى. كونسەرت ۇيىمداستىرۋشىلارى بيلەت ساتۋدان تۇسكەن قارجى ارىس قالاسىنىڭ زارداپ شەككەن تۇرعىندارىنا ارنالعان كومەك قورىنىڭ شوتىنا اۋدارىلاتىن بولادى.
بۇل باعىتتا 29 - ماۋسىم كۇنى بولعان"استانا ارەنا" ستاديونىندا وتكەن ديماش قۇدايبەرگەننىڭ "ارناۋ" اتتى جەكە كونسەرتى، اتى اڭىزعا اينالعان ماسكەۋلىك "سوۆرەمەننيك" تەاترىنىڭ گاسترولى، تۇرسىنبەك قاباتوۆتىڭ "ك ت ا" جوباسى، جانە تاعى باسقالارىن اتاپ وتۋگە بولادى. سونىمەن قاتار، قالا كۇنى اياسىندا ەسىل وزەنىنىڭ جاعالاۋىندا، ابىلاي حان داڭعىلى مەن پۋشكين كوشەسىنىڭ قيىلىسىنداعى ساياباقتا، "حان شاتىر" ساۋدا- ويىن- ساۋىق ورتالىعىنىڭ اۋماعىندا جوسپارلانعان مەرەكەلىك وتشاشۋ وتپەيتىن بولدى.
نۇر- سۇلتان قالاسى اكىمدىگىنىڭ باستاماسىن مەرەكەلىك ساليۋتتاردىڭ دەمەۋشىلەرى قولداپ، ارنايى قاراستىرىلعان قارجىنى ارىس قالاسىنىڭ زارداپ شەككەن تۇرعىندارىنا كومەك كورسەتۋ قورىنا اۋدارماق.
