الماتى تۇرعىندارى جاڭا اكىمگە ءوز ۇسىنىستارىن الەۋمەتتىك جەلى ارقىلى جەتكىزدى
قالا باسشىسى ءوزىنىڭ الەۋمەتتىك جەلىدەگى العاشقى جازباسىن الماتى قالاسىنىڭ تۇرعىندارىنا ارنادى.
«قۇرمەتتى الماتىلىقتار! بۇگىن سىزدەرمەن تىكەلەي بايلانىستا بولۋ ءۇشىن Facebook, Instagram جانە Twitter اككاۋنتتارىن اشتىم. سىزدەرمەن ديالوگقا دايىنمىن!»، - دەپ جازدى باقىتجان ساعىنتايەۆ.
الماتىلىقتار جاڭا اكىمدى قىزمەتىمەن قۇتتىقتاپ، ءوز ويلارى مەن ۇسىنىستارىن جەتكىزدى.
جاڭا اكىمگە كەلىپ تۇسكەن ۇسىنىستاردىڭ باسىم بولىگى ءال-فارابي داڭعىلىندا رۇقسات ەتىلگەن ساعاتىنا 80 شاقىرىم جىلدامدىقتى قايتارۋ بولدى. ازاماتتاردى قورشاعان ورتانى قورعاۋ، اۆتوموبيل جولدارى، قوعامدىق كولىك، قالالىق اۋدانداردى دامىتۋ جانە كوممۋنالدىق ماسەلەلەر الاڭداتادى.
ەكى ساعات ىشىندە باقىتجان ساعىنتايەۆتىڭ Instagram پاراقشاسىنا تۇرعىندار 500 گە جۋىق پىكىر قالدىردى.
ەسكە سالايىق، 28 -ماۋسىمدا مەملەكەت باسشىسىنىڭ جارلىعىمەن باقىتجان ساعىنتايەۆ الماتى قالاسىنىڭ اكىمى بولىپ تاعايىندالدى.
