ديماشتىڭ كونتسەرتىنە ۇزىن- سونار كەزەك پايدا بولدى
ساعات كەشكى 22:00 دە باستالاتىن كون سەرتكە كورەرمەندەردى ساعات 19:00 دەن باستاپ كىرگىزە باستادى. استانا ارەنانىڭ 6 كىرەبەرىسىندە حالىق ىشكە ەنۋ ءۇشىن ۇزىن- سونار كەزەككە تۇرۋدا.
ۇيىمداستىرۋشىلاردىڭ ايتۋىنشا، كونسەرتكە 350 ەرىكتى جۇمىلدىرىلدى. سونداي- اق، نەگىزگى زالدان بولەك 10 مىڭ ادامدى قامتيتىن جانكۇيەرلەر الاڭى قاراستىرىلعان. ال جالپى ستاديون 30 مىڭ ادامعا ارنالعان. ەسكە سالساق، بۇعان دەيىن د. قۇدايبەرگەننىڭ «ارناۋ» اتتى جەكە كونسەرتى 29 - ماۋسىم كۇنى ەلوردادا وتەتىنى تۋرالى حابارلاعان بولاتىنبىز. ال تەلەكورەرمەندەر ءۇشىن 6 - شىلدە كۇنى «استانا كۇنى» مەرەكەسىنە وراي «Qazaqstan» ۇلتتىق ارناسىنان كورسەتىلەدى.
كونسەرت ۇيىمداستىرۋشىلارىنىڭ ايتۋىنشا، كەش بيلەتتەرىن الەمنىڭ 64 ەلىنەن 10 مىڭعا جۋىق تىڭدارمان ساتىپ العان. ونىڭ ىشىندە ا ق ش، ۇلى بريتانيا، برازيليا، مەكسيكا، كانادا، اۆستراليا، شۆەيتساريا، مالايزيا، سينگاپۋر، افريكا، ەگيپەت، يزرايل جانە ماروككو سىندى الىس مەملەكەتتەردىڭ تىڭدارماندارى بار. سونداي- اق، ديماش قۇدايبەرگەننىڭ كونسەرتىنە بايلانىستى ەلوردادا جولدار جابىلادى.
