ەلوردادا ديماش قۇدايبەرگەنوۆكە ارنالعان كورمە اشىلدى
كورمەگە كاسىپقوي جانە اۋەسقوي سۋرەتشىلەر، تاياۋ جانە قيىر شەت مەملەكەتتەردىڭ ساندىك-قولدانبالى ونەر شەبەرلەرى قاتىسۋدا.
ولاردىڭ قاتارىندا قىتاي، فينليانديا، تۇركيا، سيريا، شۆەتسيا، ارگەنتينا، امەريكا، رەسەيدىڭ ماسكەۋ، لۋگانسك، كەمەروۆو، ياكۋتسك، گروزنىي قالالارىنىڭ وكىلدەرى بار.
بۇدان باسقا، ق ر سۋرەتشىلەر وداعىنىڭ مۇشەلەرى، قازاقستاننىڭ ءتۇرلى وڭىرلەرىنەن كوركەم ونەر جوعارى وقۋ ورىندارىنىڭ ستۋدەنتتەرى جوباعا اتسالىسۋدا.
سونىمەن قاتار، ەكسپوزيتسياعا يزرايلدىك اقىن ەفيم تاشليتسكيدىڭ «سلۋشايا ديماشا» اتتى ولەڭدەر جيناعى مەن قازاقستاندىق جازۋشى داريا جۇماگەلدينوۆانىڭ «مالچيك ي سولوۆەي» ەرتەگىسى قويىلعان.
كورمە 29- شىلدەگە دەيىن جالعاسادى. «ماڭگىلىك ەل» قاقپاسىنا كىرۋ قۇنى ەرەسەكتەر ءۇشىن 500 تەڭگە. بالالار ءۇشىن - 350 تەڭگە (7 جاسقا دەيىنگى بالالار ءۇشىن كىرۋ - تەگىن)، ستۋدەنتتەر مەن جەڭىلدىگى بار ازاماتتار ساناتتارى ءۇشىن 250 تەڭگە.
ەسكە سالايىق، ديماش قۇدايبەرگەنوۆتىڭ جەكە كونسەرتى ەلىمىزدىڭ باس قالاسىندا ەرتەڭ، 29- ماۋسىمدا، «استانا ارەنا» ستاديونىندا وتەدى.
ديماشتىڭ «ارناۋ» اتتى شوۋ-باعدارلاماسى ەلوردا كۇنىنە ورايلاستىرىلعان.
