ءبىلىم ءمينيسترى ستۋدەنتتەر شاكىرتاقىسى قانشاعا وسەتىنىن ايتتى
«پرەزيدەنتتىڭ تاپسىرماسى بويىنشا جۇمىسشى ماماندىعى بويىنشا ءبىلىم الىپ جاتقان ستۋدەنتتەر ءۇشىن شاكىرتاقى 30 پايىزعا ارتادى. ونىڭ كولەمى 21787 تەڭگەگەگە جەتەدى (بۇعان دەيىن 16759 تەڭگە بولدى)»، - دەدى مينيستر حالىقپەن ەسەپ بەرۋ كەزدەسۋىندە.
وسى ورايدا، ا. ايماعامبەتوۆ ستۋدەنتتەر شاكىرتاقىسىن كوتەرۋ جۇمىسشى ماماندىقتاردىڭ تارتىمدىلىعىن ارتتىرۋعا وڭتايلى ناتيجە بەرەتىنىن اتىپ ءوتتى.
بۇدان بۇرىن حابارلانعانداي، مەملەكەت باسشىسى قاسىم-جومارت توقايەۆ جۇمىسشى ماماندىعىن الىپ جاتقان ستۋدەنتتەردىڭ شاكىرتاقىسى ارتاتىنىن ءمالىم ەتتى.
«1- قىركۇيەكتەن 122,5 مىڭ ادامدى قامتيتىن تەحنيكالىق جانە كاسىپتىك ءبىلىمنىڭ جۇمىسشى ماماندىعى بويىنشا وقىپ جاتقان ستۋدەنتتەردىڭ شاكىرتاقىسى 30 پايىزعا ارتاتىن بولادى. جوعارىدا اتالعان قاۋىرت شارالار ءبىزدىڭ ءبارىمىزدى تولعاندىرىپ وتىرعان الەۋمەتتىك ماسەلەلەردى شەشۋگە سەپتىگىن تيگىزەرىنە سەنىم بىلدىرەمىن. ارينە، مۇنىڭ بارلىعى ەلباسىنىڭ تانىمال ستراتەگياسىندا بەلگىلەگەن ماقساتتارعا قول جەتكىزۋگە وڭ اسەرىن تيگىزەتىن بولادى»، - دەدى قازاقستان پرەزيدەنتى.
