ەلوردادان الاكولگە ەكى اي پويىز قاتىنايدى

«2019-جىلدىڭ 30- ماۋسىمىنان باستاپ 30- تامىزعا دەيىنگى ارالىقتا «نۇر-سۇلتان-دوستىق» باعىتىندا جۇرەتىن جولاۋشىلار پويىزى ىسكە قوسىلادى. ۇلتتىق تاسىمالداۋشى ءوز جولاۋشىلارىنا ساپارلارىن الدىن الا جوسپارلاپ، ەرتەرەك جول ءجۇرۋ بيلەتتەرىن الۋدى ەسكەرتەدى»، - دەلىنگەن «جولاۋشىلار تاسىمالى» ا ق باسپا ءسوز ورتالىعىنىڭ تاراتقان اقپاراتىندا.

ايتا كەتەيىك، ەلوردالىقتار الاكول كولىنە ۇشاقپەن دە جەتە الادى. ءۇشارالداعى اۋەجاي بىلتىر ىسكە قوسىلعانىن حابارلاعان بولاتىنبىز.

الماتى وبلىسى اكىمدىگى باسپا ءسوز قىزمەتىنىڭ مالىمەتىنشە، «تالدىقورعان-ءۇشارال-تالدىقورعان» باعىتى بويىنشا تۇراقتى 2 اۋە رەيسى بار.

«جەتىسۋ» اۋەكومپانياسىنىڭ ۇشاقتارى كۇندەلىكتى قاتىنايدى. «تالدىقورعان اۋەجايىنان ۇشۋ ۋاقىتى: ساعات 09.00 دە جانە 14.00 دە. ءۇشارال اۋەجايىنان ۇشۋ ۋاقىتى: ساعات 10.40 تا جانە 15.50 دە. بيلەت قۇنى 6000 تەڭگە (1 باعىتقا).

قوسىمشا اقپارات الۋ ءۇشىن تالدىقورعان اۋەجايىنىڭ كاسساسىنا 87282245841 نەمەسە ءۇشارال اۋەجايىنداعى كاسساعا 87283324652 نومىرلەرىنە حابارلاسۋلارىڭىزعا بولادى»، - دەلىنگەن ۆەدومستۆونىڭ تاراتقان اقپاراتىندا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى