ارىس تۇرعىندارىن ۇيلەرىنە جەتكىزۋ جۇمىسىن ىشكى ىستەر ءمينيسترى جەكە باقىلاپ ءجۇر
بۇل جايىندا ق ر ءى ءى م رەسمي وكىلى ءنۇردىلدا وراز ءمالىم ەتتى، دەپ حابارلايدى قازاقپارات ءتىلشىسى.
«ىشكى ىستەر ورگاندارىنىڭ قىزمەتكەرلەرى ارىس قالاسىنداعى جارىلىستان زارداپ شەكەندەردىڭ كوشۋىنە كومەكتەسۋدە. تاڭعى ساعات 06.00-دەن باستاپ تۇركىستان وبلىستىق جانە شىمكەنت قالالىق پوليتسيا دەپارتامەنتتەرىنىڭ جەكە قۇرامى تۇرعىنداردىڭ قاۋىپسىزدىگىن قامتاماسىز ەتۋدە. ەۆاكۋاتسيالانعان ارىس تۇرعىندارى اۆتوبۋس كوللونالارىمەن ورالۋدا. بۇل كوش دەپارتامەنتتىڭ جول پوليتسياسىنىڭ باستاۋىمەن ىسكە اسىرىلىپ جاتىر»، - دەدى ول.
ونىڭ اتاپ وتۋىنشە، جەرگىلىكتى پوليتسيا قىزمەتى ازاماتتاردىڭ قۇقىقتىق ءتارتىبى مەن مۇلىكتەرىنىڭ ساقتالۋىن قاتاڭ قاداعالاۋعا العان.
«تۇرعىنداردى كوشىرۋ جاعدايىن ارىس قالاسىنا ارنايى كەلگەن ىشكى ىستەر ءمينيسترى ەرلان تۇرعىمبايەۆ ءوزىنىڭ جەكە باقىلاۋىنا الدى. ءقاۋىپ تۋىنداعان كەزدەن باستاپ قالادان 3566 تۇرعىن ەۆاكۋاتسيالانىپ، 39 مىڭنان استام ادام وزدەرى شىققان بولاتىن. توتەنشە جاعدايلاردىڭ سالدارىن جويۋ ءۇشىن ىشكى ىستەر مينسترلىگىنىڭ كۇشى مەن قۇرالدارى، اتاپ اتيقاندا 1500-دەن استام جەكە قۇرامى جانە 188 تەحنيكاسى جۇمىس ىستەۋدە»، - دەدى ن. وراز.
