ارىس بالالارى ەلوردادا ديماشپەن كەزدەسەدى

نۇر-سۇلتان قالاسى اكىمىنىڭ ورىنباسارى ەرلان كاناليموۆتىڭ ايتۋىنشا، ەلورداعا كەلەتىن ارىستىق بالالاردىڭ العاشقى لەگىن اكىمدىك وكىلدەرى دۇيسەنبى كۇنى قارسى الماق.

«العاشقى 200 بالانى ديماش قۇدايبەرگەننىڭ كونسەرتىنە اپارامىز دەپ جوسپارلاعان ەدىك. تەمىرجول بايلانىسىنداعى كەدەرگىلەرگە بايلانىستى ولار دۇيسەنبىدە عانا كەلەتىن بولدى. دەگەنمەن، ولار سۇيىكتى انشىلەرىمەن كەزدەسەدى. الدىن الا كەلىسىم دە بار. سونداي-اق، بالالار ەرجان ماكسيممەن دە كەزدەسەدى. جالپى ەلورداعا كەلگەن ءاربىر ارىستىق بالا ءۇشىن بۇل ساپار ەستە قالار ەستەلىكتەرگە تولى بولادى»، - دەيدى اكىمدىك وكىلى.

شاھار باسشىسىنىڭ ورىنباسارى ارىستان كەلەتىن بالالار ءۇشىن ءتۇرلى كونتسەرتتەر مەن بايقاۋلار، ساياحاتتار، تانىمال سپورتشىلارمەن سۇحباتتار ۇيىمداستىرىلاتىنىن دا اتادى.

«ءبىز شاقىرىپ وتىرعان 500 بالانىڭ كوبى 6,7,8 -سىنىپ وقۋشىلارى. ولاردىڭ بارىنە جاڭا وقۋ جىلىنا قاجەت قۇرالدار سىيلاساق دەپ وتىرمىز. ال ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى 1000 بالانى شاقىرىپ وتىر. وندا نەگىزىنەن 9، 10، 11 -سىنىپ وقۋشىلارىن اكەلۋ جوسپارلانعان. بالالار ۋنيۆەرسيتەت جاتاقحانالارىندا ورنالاسىپ، ماماندىق تاڭداۋ بويىنشا پايدالى اقپارات الىپ قايتاتىن بولادى»، - دەيدى ەرلان كاناليموۆ.

ەسكە سالساق، بۇگىن ەلوردادان 80 توننا گۋمانيتارلىق كومەك جولعا شىقتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى