رينگكە ورالار ءساتتى اسىعا كۇتتىم: جاراقاتىنان ايىققان قانات يسلام

سپورتشى سونداي-اق، جانكۇيەرلەرىنە «تاڭقالدىرارلىق شوۋ» كورسەتۋگە دە ۋادە ەتتى، دەپ حابارلايدى Sputnik كازاحستان.

«مەندە ءبىراز ءۇزىلىس بولدى، قايتىپ ورالۋ وڭاي ەمەس. ومىردە ازداعان قيىندىقتار دا بولىپ تۇرادى، ءبىراق ونىڭ ءبارى ۋاقىتشا. مەن رينگكە ورالۋىما بار ىنتاممەن دايىندالدىم، وسى ءساتتى كۇتتىم. كۇتكەن ۋاقىتىم جەتكەن سياقتى. جانكۇيەرلەرىم ءۇشىن ۇزدىك ويىن كورسەتەمىن»، - دەدى قانات يسلام 27 -ماۋسىم كۇنى الماتىدا وتكەن جاتتىعۋدان كەيىن.

بوكسشى سونداي-اق، الداعى جەكپە-جەكتە قارسىلاسى دومينيكالىق حۋليو دە حەسۋس بولاتىنىن ءمالىم ەتتى.

ايتا كەتەيىك، يسلام مەن دە حەسۋس اراسىنداعى جەكپە-جەك 5 -شىلدە كۇنى الماتى قالاسىنداعى بالۋان شولاق اتىنداعى سپورت سارايىندا وتەدى.

بۇل ايقاستا بوكسشىلار WBO Inter- Continental بەلبەۋى ءۇشىن تالاسادى.

قانات يسلام سوڭعى رەت رينگكە وتكەن جىلدىڭ قىركۇيەك ايىندا شىقتى. ول جولى كانادالىق برەندون كۋكتى تەحنيكالىق نوكاۋتپەن جەڭگەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى