بۋرياتيادا جولاۋشىلار ۇشاعى اپاتقا ۇشىرادى

اپات سالدارىنان ەكى ەكيپاج مۇشەسى قازا تاۋىپ، 30 عا جۋىق جولاۋشى زارداپ شەكتى، دەپ حابارلايدى «قازاقپارات» ح ا ا.

بۋرياتيا ۇكىمەتىنىڭ مالىمدەۋىنشە، ۋلان-ۋدەدەن شىققان «انگارا» اۋە كومپانياسىنىڭ ان-24 جولاۋشىلار ۇشاعى بەيسەنبى كۇنى تاڭەرتەڭ قوزعالتقىشتارىنىڭ ءبىرى ىستەن شىعۋىنا بايلانىستى نيجنەانگارسك اۋەجايىنا اپاتتى جاعدايدا قونعان.

قونۋ كەزىندە ۇشاق ۇشىپ-قونۋ جولاعىنان شىعىپ كەتىپ، تازارتۋ قوندىرعىلارى عيماراتىنا سوقتىعىسىپ، ارتىنشا ءورت شىققان.

«انگارا» اۋە كومپانياسىنىڭ دەرەكتەرىنە قاراعاندا، ۇشاق بورتىندا بارلىعى 47 ادام بولعان.

رەسپۋبليكا ۇكىمەتى اپات سالدارىنان ۇشقىش ۆلاديمير كولومين مەن تەحنيك ولەگ باردانوۆ مەرت بولعاندىعىن مالىمدەپ وتىر. ولاردىڭ دەنەسىن كابينادان قۇتقارۋشىلار الىپ شىقتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى