جاقىپ اسانوۆ: سۋديالار حالىقتىڭ قاراپايىم تىلىندە سويلەۋى كەرەك

ق ر جوعارعى سوتىنىڭ ءتوراعاسى جاقىپ اسانوۆ بۇگىنگى تاڭدا زامان تالابى قازاقستاننىڭ سوت جۇيەسىنە قانداي مىندەتتەر جۇكتەپ وتىرعانىن ايتتى.

«حالىقارالىق ماماندار قازاقستاندا سوتقا جۇگىنۋ جەڭىلدەپ، ونىمەن قاتىستى شىعىنداردىڭ ازايعانىن ايتادى. راسىمەن دە بۇرىن ازاماتتار ءبىر ءىس بويىنشا 2 جىل جۇرەتىن بولسا، قازىر پروتسەستەردىڭ كوبى ءبىر جىلدان اسپايدى. ارىزداردىڭ 90 پايىزى ينتەرنەت ارقىلى تۇسەتىن بولدى. «Doing Business1» رەيتينگىنە سەنسەك، سوت پروتسەستەرىنە قاتىسۋشىلارعا جاعداي جاساۋ بويىنشا الەمدە ءتورتىنشى ورىندا تۇرمىز. دەگەنمەن، ەل پرەزيدەنتى سوت جۇيەسىنە ءبىرقاتار سىن ايتقان بولاتىن. سوت پروتسەسىنە قاتىسۋشىلارعا جاعداي جاساۋدان بۇرىن، سۋديالارعا دەگەن ەل سەنىمىن ارتتىرۋ كەرەكتىگىن تاپسىردى. ال سۋديالارعا سەنىم قابىلداعان شەشىمدەرى نەگىزدى بولعاندا عانا قالىپتاسادى. تاراپتار ۇكىمنىڭ ءاربىر ۋاجىنە جاۋاپ تابۋى كەرەك. سۋديا ءوز شەشىمىن جاريالاعاننان كەيىن زاڭنىڭ قاساڭ تىلىمەن ەمەس، حالىقتىڭ تىلىمەن ءتۇسىندىرىپ بەرۋى كەرەك. سوندا عانا جوعارعى ساتىلارعا ارىز جاۋدىرۋ ازايادى»، - دەدى جوعارعى سوت ءتوراعاسى.

ەسكە سالساق، مەملەكەت باسشىسى قاسىم-جومارت توقايەۆ جوعارعى سوت ءتوراعاسى جاقىپ اسانوۆقا سوت جۇيەسىن جەتىلدىرۋ جۇمىستارىن جالعاستىرۋدى تاپسىرعان بولاتىن.

الداعى 2,5 جىلدىڭ ىشىندە سوت جۇيەسى لايىقسىز كادرلاردان تولىق تازارتىلماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى