ارىستاعى توتەنشە جاعداي سالدارلارىن جويۋ قالاي جۇرگىزىلىپ جاتىر
مينيسترلىك مالىمەتىنشە، قازىرگى ۋاقىتتا توتەنشە جاعداي سالدارىن جويۋ جۇمىستارىنا جەكە قۇرامنىڭ 2400 دەن استام اسكەري قىزمەتشىسى مەن 200 گە جۋىق تەحنيكاسى جۇمىلدىرىلعان. قارۋلى كۇشتەر قۇقىقتىق ءتارتىپتى قامتاماسىز ەتۋ جانە اۋىلىشىلىك جولداردى جابۋ ءۇشىن 12 بەكەت ورناتقان. وعان 100 دەن استام اسكەري قىزمەتشى جۇمىلدىرىلعان. «ارلان» ساۋىتتى كولىگىمەن قالا ءۇشىن شولعىنداۋ جۇرگىزىلۋدە. ق ر قارۋلى كۇشتەرىنىڭ ينجەنەر-ساپەرلەرى جارىلىستار بولعان اۋماقتان 20 شاقىرىم راديۋستا تەمىر جول بويىن، قالا ءىشىن جارلىما قالعان سناريادتاردان تازالاۋ جۇرگىزىپ جاتىر. بۇل جۇمىسقا شامامەن 55 مينادان تازارتۋ توبىنىڭ شامامەن 550 اسكەري قىزمەتشىسى تارتىلعان. اسكەري پوليتسيانىڭ 10 كينولوگيا توبى دا جۇمىس ىستەۋدە.
«بۇگىنگى كۇنى 5700 دەن استام وق-ءدارى فراگمەنتتەرى تابىلىپ، شىعارىلدى. ۇشقىشسىز ۇشاتىن اپپاراتتى پايدالانۋ ارقىلى قارۋ-جاراق قويمالارىنىڭ اۋماعى جانە وعان ىرگەلەس جەرلەر اۋەدەن بارلانىپ، ولاردىڭ اقپاراتتارى توتەنشە جاعدايلار جونىندەگى جەدەل شتاپقا بەرىلىپ وتىر. وسى كەزەڭ ارالىعىندا 13 ۇشۋ جۇزەگە اسىرىلدى»، - دەپ اتاپ وتەدى مينيسترىكتەن.
