ۇكىمەت مۇشەلەرى ارىستا زارداپ شەككەندەردىڭ جاعدايىمەن تانىستى
ۇكىمەت مۇشەلەرى شىمكەنت قالالىق كلينيكالىق اۋرۋحاناسىنداعى اپاتتان زارداپ شەككەندەردىڭ جاعدايلارىمەن تانىستى.
«سناريادتان جاراقات الىپ، اۋرۋحاناعا تۇسكەن 57 جاستاعى ازاماتشاعا دارىگەرلەر شۇعىل تۇردە وتا جاساپ، ءومىرىن امان الىپ قالعان. ول اۋرۋحاناعا جەتكىزىلگەن كەزدە ناۋقاس كوپ قان جوعالتقان. وپەراتسيا وتە كۇردەلى بولىپ، ەكى ساعاتقا سوزىلعان. زارداپ شەككەن ەكىنشى ناۋقاس 16 جاسار ازامات. جاس جىگىت قازىر جانساقتاۋ بولىمىندە جاتىر. جاعدايى تۇراقتى اۋىر»، - دەيدى دارىگەرلەر.
سونداي-اق، ۇكىمەت مۇشەلەرى قالالىق بالالار اۋرۋحاناسىندا جاتقان سەگىز جاستاعى بالانىڭ جاعدايىن ءبىلدى. وقىس جاعداي كەزىندە بالانىڭ باسىنا زاقىم كەلىپتى. قان كەتۋدى جويۋ ماقساتىندا دارىگەرلەر بالاعا شۇعىل تۇردە وتا جاساعان. وپەراتسيادان سوڭ الماتىدان ارنايى كەلگەن رەانيماتولوگ پەن نەيروحيرۋرگ بالانى قاراپ شىقتى. ونىڭ دا جاعدايى تۇراقتى اۋىر كۇيىندە قالۋدا.
