شىمكەنت اكىمى نارازىلىق تانىتقان ارىس تۇرعىندارىمەن كەزدەستى
«بۇگىن شىمكەنت قالاسىنىڭ اكىمى ع. ءابدىراحىموۆ تەمىرلان تاس جولىن بوگەپ، نارازىلىق تانىتقان ارىس قالاسىنىڭ تۇرعىندارىمەن كەزدەستى.
كەزدەسۋ بارىسىندا قالا باسشىسى ارىس قالاسىن قالپىنا كەلتىرۋ ق ر پرەزيدەنتى قاسىم-جومارت توقايەۆتىڭ تاپسىرماسىنا سايكەس ۇكىمەتتىڭ تۇراقتى نازارىنا الىنعاندىعىن مالىمدەدى. بارلىق تۇرعىندارعا ەل بولىپ كومەك كورسەتىلىپ جاتقاندىعىن جەتكىزدى. شىمكەنت قالاسىنىڭ تۇرعىندارى دا ەۆاكۋاتسيالانعان ازاماتتارعا بارىنشا قولداۋ ءبىلدىرىپ، كومەك بەرىپ جاتقاندىعىن ءتۇسىندىردى»، - دەپ اتاپ وتەدى شىمكەنت قالاسىنىڭ اكىمدىگىنەن.
تاراتىلعان اقپاراتقا قاراعاندا، شىمكەنت اكىمى قالا اۋماعىندا 56 ەۆاكۋاتسيالىق پۋكتتەر اشىلىپ، ولاردا بارلىعى 39400 ازامات تىركەلگەنىن اتاپ وتكەن.
«ەۆاكۋاتسيالىق پۋنكتتەردىڭ بارلىعىنا ءبىرىنشى كەزەكتەگى تاۋارلار مەن ازىق-تۇلىك تاۋارلارى تۇراقتى جەتكىزىلىپ وتىرعاندىعىنا نازار اۋداردى. جولدى جابۋ ارقىلى شىمكەنت قالاسى اۋماعىنان جەر، ءۇي تالاپ ەتۋ ەشبىر زاڭعا سايكەس كەلمەيتىندىگىن ايتىپ، نارازى حالىقتى سابىر ساقتاۋعا شاقىردى»، - دەلىنگەن تاراتىلعان اقپاراتتا.
