شەتەلدىكتەر قازاقستاندا تۇراقتى تۇرۋ ءۇشىن باج سالىعىن تولەۋى مۇمكىن
بۇل تۋرالى پارلامەنت ماجىلىسىندە كوشى-قون پروتسەستەرىن رەتتەۋ ماسەلەلەرى بويىنشا وزگەرىستەر ەنگىزۋ تۋرالى زاڭ جوباسى تانىستىرۋ بارىسىندا ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اقمادي سارباسوۆ ءمالىم ەتتى، دەپ حابارلايدى قازاقپارات ءتىلشىسى.
«كوشى-قون پروتسەستەرىنىڭ قۇقىقتىق بازاسىن كەڭەيتۋ جانە زاڭسىز كوشى-قونعا جول بەرمەۋ ماقساتىندا ءتيىستى ۇسىنىستار قامتىلدى. بىرىنشىدەن، شەتەلدىكتەرگە تۇراقتى تۇرۋعا رۇقسات بەرۋ ءۇشىن 4 ايلىق ەسەپتىك كورسەتكىش مولشەرىندە مەملەكەتتىك باج سالىعىن ەنگىزۋ ەسكەرىلگەن. ەكىنشىدەن، ۇلتتىق زاڭنامادا رەادميسسياعا ارنالعان قۇقىقتىق نەگىزدەردىڭ جوقتىعىنان، ۇلتتىق زاڭناماعا رەادميسسيا تۋرالى حالىقارالىق ەرەجەلەردى ەنگىزۋ ۇسىنىلادى»، - دەدى ۆيتسە-مينيستر.
سونىمەن قاتار، اتقارۋشىلىق ءىس جۇرگىزۋ بويىنشا بەرەشەگى بار ادامداردىڭ كەتۋىنە شەكتەۋلەر كوزدەلگەن تولىقتىرۋلار ەنگىزۋ قاراستىرىلعان.
