ءبىر كۇندە ءۇش قىلمىستىق ءىس: شىمكەنتتە بومبا تۋرالى حابارلاعان ايەلدەر ۇستالدى
بۇل تۋرالى ق ر ءى ءى م باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
ىشكى ىستەر ورگاندارى ۇستالعاندارعا قاتىستى ق ر ق ك 247-بابى 1-بولىگى بويىنشا سوتقا دەيىنگى تەرگەۋ امالدارىن جۇرگىزىپ جاتىر. سوڭعى تاۋلىكتە اتالعان باپ بويىنشا ءۇش قىلمىستىق ءىس قوزعالعان.
«ق ر ءى ءى م تۇرعىنداردى الەۋمەتتىك جەلىلەر مەن ءتۇرلى مەسسەندجەرلەر ارقىلى تارالاتىن جالعان اقپاراتقا سەنبەۋدى جانە ۇرەيگە بوي الدىرماۋدى سۇرايدى. رەسمي اقپارات تۇراقتى تۇردە ارنايى قۇرىلعان جەدەل شتاب ارقىلى تارالادى»، - دەپ حابارلادى ۆەدومستۆودان.
سونىمەن قاتار، ق ر ىشكى ىستەر مينيسترلىگى ارىس قالاسىندا قازا بولعان ادامداردىڭ سانى ۇشەۋ ەكەنىن رەسمي تۇردە راستاپ وتىر.
حابارلانعانداي، كوز جۇمعاندار سانى بۇدان دا كوپتىگى تۋرالى الەۋمەتتىك جەلىدە تاراعان اقپارات - جالعان.
«ەگەر دە ازاماتتار زارداپ شەككەن ادامدار تۋرالى قانداي دا ءبىر قوسىمشا دەرەكتەرگە يە بولسا، رەسمي تۇردە ىشكى ىستەر مينيسترلىگىنە شاعىمدانۋعا شاقىرامىز»، - دەدى ءى ءى م- نەن.
