الماتىدا دەنيس تەنگە ەسكەرتكىش تۇرعىزىلدى
ەسكەرتكىش سپورتشى قازا تاپقان جەرگە تۇرعىزىلدى، دەپ حابارلايدى قازاقپارات ءتىلشىسى.
دەنيس تەننىڭ ءمۇسىنى قولادان، تۇعىرى گرانيتتەن جاسالعان. بيىكتىگى - 2,4 مەتر. ءمۇسىن دەنيستىڭ قولا مەدال جەڭىپ العان سوچي وليمپياداسىنىڭ فينالدىق باعدارلاماسىن ورىنداپ تۇرعان ءساتىن ورنەكتەپ تۇر.
قۇرمانعازى جانە بايسەيىتوۆا كوشەلەرىنىڭ قيىلىسىنا ورناتىلعان ەسكەرتكىش - سانك-پەتەربۋرگ ءمۇسىنشىسى ماتۆەي ماكۋشكيننىڭ تۋىندىسى.
ايتا كەتەيىك، ول بۇعان دەيىن وڭتۇستىك استاناعا تاعى ءبىر ەڭبەگىن - ۆيكتور تسوي ءمۇسىنىن ارناعان بولاتىن.
«ءبىز وكسانا الەكسەيەۆناعا العىس ايتامىز، ويتكەنى ءاربىر دەتال، شتريحىنا دەيىن سونىڭ قاداعالاۋىندا بولدى»، - دەيدى الماتى اكىمىنىڭ ورىنباسارى ارمان قىرىقبايەۆ.
ول دەنيس تەننىڭ اناسىمەن بىرىگە سپورتشى تۋرالى كىتاپ شىعارىلاتىنىن، كۇزدە ونىڭ قۇرمەتىنە تۋرنير ۇيىمداستىرىلاتىنىن جەتكىزدى.
ەسكە سالا كەتەيىك، دەنيس تەن بىلتىر 19- ماۋسىم كۇنى قازا تاپتى. پىشاقتان اۋىر جارالانعان بەلگىلى سپورتشى اۋرۋحاناعا جەتكىزىلگەن سوڭ قايتىس بولعان ەدى. ال ونى ولتىرگەن قىلمىسكەرلەرگە 17 قاڭتار كۇنى الماتىدا ۇكىم وقىلدى.
