ق ر پرەمەر-ءمينيسترى اسقار مامين شىمكەنتتەگى اۆتوبۋستارعا ءمىنىپ كوردى

قالا اكىمى عابيدوللا ءابدىراحىموۆ ۇكىمەت باسشىسىنا جولاۋشىلاردى قوعامدىق كولىكپەن قامتاماسىز ەتۋ بارىسىن باياندادى، دەپ حابارلايدى قازاقپارات ءتىلشىسى.

ەسكە سالساق، شىمكەنتتە قالا كۇنى قارساڭىندا جاڭادان «Shymkent bus» مۋنيتسيپالدى اۆتوپاركى اشىلعان بولاتىن. وندا جوسپارلانعان 300 اۆتوبۋستان 160 ءى اكەلىنگەن ەدى. قالعان 140 اۆتوبۋس شىلدە ايىندا جەتكىزىلمەك.

جالپى 2020-جىلدىڭ ناۋرىز ايىنا دەيىن تاعى 700 اۆتوبۋس كەلەدى دەپ كۇتىلۋدە. قالا باسشىلىعى وسىلاي تاياۋ ۋاقىتتا قوعامدىق كولىككە قاتىستى بارلىق ماسەلەلەر شەشىلەتىندىگىن ايتادى.

ايتا كەتسەك، جاڭا اۆتوبۋستاردىڭ جالپى سىيىمدىلىعى - 56 ادام، اۆتوبۋس ۇزىندىعى - 8,5 مەتر. ولار سالقىنداتقىشتارمەن، پاندۋستارمەن، بەينەكامەرالارمەن، جولاۋشىلار اعىنىنىڭ داتچيكتەرىمەن، GPS- ترەكەرلەرمەن جابدىقتالعان.

سونداي-اق جوبا اياسىندا جول اقىسىن تولەۋدىڭ «وڭاي» ەلەكتروندىق جۇيەسىن ورناتۋ جوسپارلانۋدا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى