تۋريستىك پوليتسيا ەلىمىزدىڭ التى وڭىرىندە جۇمىس ىستەپ جاتىر
«شەتەلدىكتەر ەلىمىزگە كەلگەن كەزدە جايلىلىق پەن قاۋىپسىزدىكتى قامتاماسىز ەتۋ ءۇشىن جاڭا قىزمەت - تۋريستىك پوليتسيا قۇرىلدى. ازىرگە قازاقستاننىڭ التى وڭىرىندە - نۇر- سۇلتان مەن الماتى قالاسى، الماتى، اقمولا، تۇركىستان جانە شىعىس قازاقستان وبلىستارىندا تۋريستىك پوليتسيا قۇرىلدى» ، - دەدى ەرلان تۇرعىمبايەۆ حالىققا ەسەپ بەرۋ جيىنىندا.
ءمينيستردىڭ ايتۋىنا قاراعاندا، تۋريستىك پوليتسيانىڭ نەگىزگى مىندەتى - كەڭەس بەرۋ، قىزىقتىرعان سۇراقتار بويىنشا تۋريستەردى اقپاراتتاندىرۋ، قاۋىرسىزدىكتى قامتاماسىز ەتۋ بولىپ وتىر.
«قازىرگى تاڭدا تۋريستىك پوليتسيا ءوزىن جاعىمدى جاقتان كورسەتىپ كەلەدى. قازاقستانعا كەلەتىن ەلشىلىكتەر مەن شەتەلدىك كومپانيالاردان، ينۆەستورلاردان كوپتەگەن جىلى سوزدەردىڭ كەلىپ جاتقانىن اتاپ ءوتۋ كەرەك. ىشكى ىستەر ورگاندارىنىڭ بۇل جۇيەسى شەتەلدىك تۋريستەردىڭ قورعالعانىن، كەز كەلگەن ۋاقىتتا شاعىمدانا الاتىنىن كورسەتىپ وتىر» ، - دەدى مينيستر. ەسكە سالا كەتسەك، قر پرەزيدەنتى قاسىم- جومارت توقايەۆتىڭ قاتىسۋىمەن وتكەن ءى ءى م القا وتىرىسىندا تۋريستىك پوليتسيا قۇرىلاتىنى تۋرالى ايتىلعان بولاتىن.
