نۇرسۇلتان نازاربايەۆ ك س ر و ۇكىمەتىن باسقارۋ ۇسىنىسىنان قالاي باس تارتقانىن ايتتى

«سول كەزدەگى بەدەلدى باسشىلار گورباچيەۆ پەن ەلتسين 1990-جىلداردىڭ باسىندا ماعان ك س ر و پرەمەر-ءمينيسترى بولۋدى ۇسىنعان بولاتىن. ءالى كۇنگە ويلانامىن - ولاي بولسا قازاقستاننىڭ ءومىرى قالاي بولار ەدى؟ سول كەزدە مەن ومىرىمدەگى ەڭ ماڭىزدى شەشىمدى قابىلدادىم. سول ۋاقىتتان باستاپ مەنىڭ باستى مىندەتىم - تۋعان قازاقستانىمنىڭ تاعدىرى بولدى»، - دەپ ەسىنە الدى ەلباسى.

تۇڭعىش پرەزيدەنتتىڭ سوزىنشە، سول جىلدارى ساياساتكەر رەتىندە ستراتەگيالىق ويلاۋدىڭ ماڭىزىن العاش رەت تۇسىنگەن.

«وسى الماعايىپ زاماندا كەمەمدى قاي جاعالاۋعا جەتكىزسەم دەگەن ۇلكەن تاڭداۋ الدىندا تۇردىم. قازىر سول قيىندىقتاردى قالاي شەشكەنىمدى ايتسام دەپ وتىرمىن»، - دەدى ن. نازاربايەۆ.

«1990-جىلدارى مەن جانە قازاقستان قانداي سىناقتارمەن بەتپە-بەت كەلدى؟ بىرىنشىدەن، ەكونوميكانىڭ توقىراۋى. ەكونوميكالىق بايلانىستاردىڭ ءۇزىلۋى، گيپەرينفلياتسيا، بيۋجەتتىك تاپشىلىق بولدى. حالىقتىڭ تابىسى تومەندەدى، جاپپاي جۇمىسسىزدىق ورىن الدى. قازاقستانداعى 130 كاسىپورىن ءوز جۇمىسىن توقتاتتى»، - دەدى نۇرسۇلتان نازاربايەۆ.

ونىڭ ايتۋىنشا، 90-جىلدارى ج ءى ءو 60 پايىزعا تومەندەپ، ونەركاسىپ 28 پايىزعا قىسقاردى.

«بىزگە قىسقا ۋاقىت ىشىندە ءىس-ارەكەت جوسپارىن قۇرۋعا تۋرا كەلدى. نارىقتىق ەكونوميكانى قۇرا باستادىق. قازاقستان تەز ءارى ءتيىمدى رەفورما جۇرگىزدى دەگەن پايىمدى ءجيى ەستىدىك. ءبىز وتە ۇلكەن جۇمىس اتقاردىق»، - دەدى ن. نازاربايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى