ءبىر-بىرىنە مۇلدە ۇقسامايتىن ەگىز قىزدار الەمدى اۋزىنا قاراتتى
ءبىر قاراعاندا ءبىر-بىرىنە مۇلدە ۇقسامايتىن قىزدار شىن مانىندە ەگىز. كوپشىلىك ارۋلاردىڭ ناعىز تۋعان اپكەلى-ءسىڭىلى ەكەنىنە سەنبەي جاتادى. سەبەبى، ليۋسي اقشىل ءارى شاشىنىڭ ءتۇسى قىزعىلت سارى بولسا، ماريا كەرىسىنشە، قارا تورى ءارى بۇيرا قارا شاشتى قىز دەپ جازادى bigpicture.ru سايتى.
ەگىز قىزداردىڭ اكەسى ۆينس اق ءناسىلدى بولسا، اناسى دوننا جارتىلاي يامايكالىق بولىپ تابىلادى.
«ءبىزدىڭ ەگىز ەكەنىمىزگە ەشكىم سەنبەيدى. سەبەبى مەن اقپىن، ال ماريا قارا تورى. ءتىپتى، بىردەي كيىنىپ الساق تا، ءبىزدى ەگىز تۇرماق تۋعان اپكەلى-سىڭلىلىگە ۇقساتپايدى. باستاپقىدا ءبىزدىڭ جاڭا دوستارىمىز ءبىزدىڭ ەگىز ەكەنىمىزگە سەنبەي تۋۋ تۋرالى كۋالىكتى كورسەتۋدى تالاپ ەتكەن»، - دەيدى ليۋسي.
دەگەنمەن اقيقاتى سول - بۇل بويجەتكەندەر ەگىز.
ءتۇرلى ءناسىلدى ەگىزدەردىڭ ومىرگە كەلۋ وقيعاسى 500 ادامعا شاققاندا تەك ءبىر ادامدا عانا كەزدەسەدى. ليۋسي مەن ماريا سىرت كەلبەتى ءبىر-بىرىمەن ۇقساماعانىمەن، ىشكى جان دۇنيەلەرى قاتتى ۇقسايتىنىن ايتادى.
ليۋسي مەن ماريا ۇلى بريتانيانىڭ گلوستەر قالاسىندا 1997-جىلى دۇنيەگە كەلگەن. بۇگىندە بويجەتكەندەر 22 جاستا.
ەگىزدەردىڭ اناسى ءوزىنىڭ قىزدارى ومىرگە كەلگەندە قاتتى تاڭعالعان. ول باستاپقىدا دارىگەرلەر قاتەلىك جىبەردى دەپ ويلاپ قالعانىن جاسىرمادى.
اپكەلى-سىڭلىلەر ءار ءتۇرلى ءبىلىم ورداسىندا وقيدى. ليۋسي ونەر مەن ديزاين ماماندىعىنا تۇسسە، ماريا قۇقىق پەن پسيحولوگيانى مەڭگەرىپ جاتىر.
