قابىردى قايتا اشقان ازاماتتار ادام سەنگىسىز جاعدايعا كۋا بولدى
الايدا، بەيىت باسىنا بارعان ازاماتتار از ۋاقىت بۇرىن عانا جەر قويناۋىنا تاپسىرىلعان ادامنىڭ جانتۇرشىگەرلىك بەينەسىن كورىپ، سەرگەلدەڭ جاعدايعا تۇسكەن دەپ حابارلايدى kyn.kz.
قايتىس بولعان جاقىنىن جەرلەۋگە مازاراتقا بارعان ازامات جانازا شىعارىپ، باقيعا اتتانعان جاقىنىن ماڭگىلىك مەكەنىنە قويىپ قايتادى.
وسىدان كەيىن مايىتشىلەرمەن قوسىلىپ قايتىس بولعان كىسىنىڭ وتباسىنا ورالعاندا، جامباس قالتاسىندا جۇرگەن ءاميانى جوق ەكەنىن بايقاپ، اينالاسىنداعىلاردان سۇراستىرىپ، ابدەن الەككە تۇسەدى.
ول جۇرگەن جولىن، باسقان قادامدارىنىڭ ءبارىن ەكشەي كەلە، بۇكىل ماڭىزدى جەكە قۇجاتتارى مەن قاراجاتى بار دۇنيەسى كوردە قالعانىن سەزەدى.
سودان جاڭاعى جىگىت مولدالار مەن ۇلكەن كىسىلەردەن بىرنەشە ساعات بۇرىن كومىلگەن كوردى قايتا قازدىرۋعا رۇقسات سۇرايدى.
اۋىلدىڭ يمامى اللاعا جالبارىنىپ، كەشىرىم دۇعاسىن وقىپ بولعان سوڭ بىرنەشە ەركەك بارىپ، جاڭا مولانى قايتا اشادى. سونىمەن الگى جىگىتپەن قوسىلىپ قابىر قازعاندار ادام ايتسا سەنبەيتىن جاعدايعا كۋا بولعان ەكەن.
بىرنەشە ساعات بۇرىن قابىرگە قويىلعان ءمايىتتىڭ ءۇيىن قايتا اشقاندا جەرلەنگەن ادام وتىر ەكەن. قولىندا اعاش كىسەن بار. ءبىر توپ ادام مۇنى كورگەندە توبە شاشتارى تىك تۇرسا دا، تىلدەرىن كاليمەگە كەلتىرىپ، قۇراندارىن توقتاتپاي وقىپ، وتىرعان ءمايىتتى قايتا ورنىنا جاتقىزعاندا قولىنداعى اعاش كىسەن جوق بولىپ كەتەدى.
توپىراعى كەپپەگەن مولانى اشقاندار امياندى تاپقانىمەن، جۇزدەرى اق قاعازداي قۋارىپ، ءبىر بىرىمەن تىلدەسۋگە شامالارى كەلمەي، قايتىپ كەلەدى.
وسى وقيعادان كەيىن اكىمشىلىكتە قىزمەت اتقارىپ جۇرگەن ازامات ءبىر اۋىز سوزگە كەلمەستەن، ەشكىمنىڭ ۋاعىزىن تىڭداماي-اق، ءبىر-اق كۇندە يماندىلىق جولىن تاڭداپ كەتكەن ەكەن.
