برازيليالىق فۋتبولشى ايەل الەمنىڭ ەڭ ۇزدىك سۇرمەرگەنى اتاندى

بۇل تۋرالى OptaJoe ستاتيستيكالىق قىزمەتىنىڭ Twitterجەلىسىندەگى پاراقشاسىندا جازىلعان. مارتا يتالياعا قارسى ايەلدەر مۋنديالىنىڭ توپتىق كەزەڭىندە كوزگە ءتۇستى (1:0).

33 جاستاعى فۋتبولشى الەم بىرىنشىلىكتەرىندەگى 17- گولىن سالدى. وسىلايشا، ول گەرمانيانىڭ ەرلەر قۇراماسىنىڭ فورۆاردى ميروسلاۆ كلوزەدەن اسىپ ءتۇستى (16). دا سيلۆا بەس الەم چەمپيوناتىنا قاتىسقان. مارتا 2006 جانە 2010 -جىلدار ارالىعى فيفا تۇجىرىمى بويىنشا الەمدەگى ەڭ مىقتى فۋتبولشى ايەل دەپ مويىندالىپ، 2018 -جىلى دا جۇلدە يەلەندى.

برازيليا قۇراماسى ساپىندا ول ەكى رەت وليمپيادانىڭ كۇمىس جۇلدەگەرى بولدى جانە ءبىر رەت الەم چەمپيوناتىنىڭ كۇمىس جۇلدەسىن الدى. ايەلدەر اراسىنداعى الەم چەمپيوناتى فرانسيادا ءوتىپ جاتىر. تۋرنيردىڭ قازىرگى چەمپيونى - ا ق ش.

Kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى