ءسادۋاقاسوۆا قىتايدا ازيا چەمپيونى اتاندى

بۇل تۋرالى قازاقستان شاحمات فەدەراتسياسى facebook-تەگى پاراقشاسىندا جازدى، دەپ حابارلايدى قازاقپارات.

شاحماتتان ەرلەر جانە ايەلدەر اراسىنداعى ازيا چەمپيوناتى 6-16 -ماۋسىم ارالىعىندا قىتايدىڭ سينتاي قالاسىندا بولدى. شاحماتشىلار سىياقى قورى 85 مىڭ دوللار كولەمىندە بولعان باسەكەدە باق سىناستى. تۋرنير شۆەيتساريالىق جۇيە بويىنشا، ياعني 9 راۋندتان ءوتتى.

«دينارا 15 ەلدەن كەلگەن 36 قارسىلاسىنان باسىم ءتۇسىپ، 9 مۇمكىندىكتەن 7,5 ۇپاي جينادى»، - دەپ حابارلادى قازاقستان شاحمات فەدەراتسياسىنان. بۇل باسەكەگە قازاقستان ءۇش شاحماتشىنى: ەرلەر سەكسياسىنان - رينات جۇمابايەۆتى، ال ايەلدەردەن - دينارا ءسادۋاقاسوۆانى جانە گۇلميرا داۋلەتوۆانى اپاردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى