ويىنشىقتار حيكاياسى: توم حەنكس پەن كيانۋ ريۆز قازاقشا سويلەدى

«يستوريا يگرۋشەك»/«ويىنشىقتار حيكاياسى» انيماتسيالىق فيلمى وسى جىلدىڭ 20 -ماۋسىمىندا جاپپاي پروكاتقا جول تارتادى، دەپ حابارلايدى قازاقپارات ءتىلشىسى «بولاشاق» كورپوراتيۆتىك قورىنا سىلتەمە جاساپ.

انيماتسيالىق فيلم «بولاشاق» كورپوراتيۆتىك قورى جانە «مەلومان» كومپانياسىنىڭ باستاماسىمەن «وزىڭنەن باستا» جوباسى اياسىندا دۋبلياجدالعان. انيماتسيا استروناۆت بازز، كوۆبوي ۆۋدي، يت سلينكي، تيرانوزاۆر رەكستىڭ قىزىقتى وقيعالارى تۋرالى بايان ەتەدى.

«دۋبلياج كاستينگىنە نۇر- سۇلتان مەن الماتىدان 50 دەن استام اكتەر قاتىسىپ، فيلمنىڭ باستى ءۇش ساۋندترەگىن بەلگىلى قازاقستاندىق ءانشى ورىندادى. قازاق تىلىندەگى ءۇش ساۋندترەكتىڭ ەكەۋى Itunes قوسىمشاسىنا شىعادى. العاش رەت فيلمگە ارنالعان ازىلدەردى قازاقستاندىق كوڭىلدى تاپقىرلار كلۋبى بەيىمدەدى. انيماتسيالىق تريلوگيادان شىققان دەبيۋتتىك فيلم 1995 -جىلى ۇلكەن ەكرانعا شىققان. «ويىنشىقتار حيكاياسى - 4» العاش رەت قازاق تىلىنە دۋبلياجدالدى. وندا توم حەنكس، ەنني پوتتس، تيم اللەن، كريستينا حەندريكس، كيانۋ ريۆز جانە گولليۆۋدتىڭ باسقا دا اكتەرلەرى قازاق تىلىندە سويلەيدى»، - دەلىنگەن قوردىڭ حابارلاماسىندا.

قازاق تىلىندەگى دۋبلياج رەجيسسەرى - نازەركە لەسپەك قىزى بولسا، اۋدارماشى - اسەل مامىروۆا، ماتىندەردى سالۋشى - گۇلجان ساۋىرتايەۆا.

«وزىڭنەن باستا» - گولليۆۋدتىق فيلمدەردى قازاق تىلىنە كوركەمدىك دۋبلياجداۋ جوباسى. 2011 -جىلدان بەرى «بولاشاق» كورپوراتيۆتىك قورى جانە «مەلومان» كومپانياسىنىڭ باستاماسىمەن جۇزەگە اسىپ كەلەدى. الەۋمەتتىك جوبا، سوندىقتان كوممەرتسيالىق ماقساتتى كوزدەمەيدى.

جوبانىڭ ارقاسىندا بۇگىندە 100 دەن استام وتاندىق اكتەرلەر «Walt Disney Pictures»  داۋىستىق بازاسىندا تۇر. قازاق ءتىلى «Walt Disney» كومپانياسىنىڭ تاريحىندا تۇرىك تىلىنەن كەيىن 39- جانە «Sony Pictures» ءۇشىن - 7- ورىنعا جايعاستى. شىعىس ەۋروپا مەن ت م د ەلدەرى ءۇشىن شىعارىلاتىن Blu-Ray-دە كورۋ ءۇشىن قولجەتىمدى گولليۆۋدتىق فيلمدەردىڭ 7 نەگىزگى تىلدەرىنە كىردى» ، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى