قازاقستاندا جالپى ىشكى ءونىم ءوسىمى ارتتى

بۇل تۋرالى ق ر ۇلتتىق ەكونوميكا ءمينيسترى رۋسلان دالەنوۆ ايتىپ بەردى، دەپ حابارلايدى قازاقپارات ءتىلشىسى.

«جالپى ىشكى ءونىمنىڭ ءوسۋى %4 قۇرادى. جىلدىق ماندەگى ينفلياتسيا دەڭگەيى - %5,3 بولىپ وتىر. بۇل ينفلياتسيا ءدالىزىنىڭ %4-6 شەگىندە. ينۆەستيتسيالار ديناميكاسى %7,8 دەيىن ءوسۋدى كورسەتىپ، ج ءى ءو ءوسۋ قارقىنىنان دا اسىپ ءتۇستى. اۋىل شارۋاشىلىعى مەن قۇرىلىستاعى ينۆەستيتسيا ءبىر جارىم ەسەگە ءوستى. ونەركاسىپتەگى ينۆەستيسيالار %17,5 ءوستى. وتكەن ايمەن سالىستىرعاندا حالىقارالىق رەزەرۆتەر %0,4 ءوستى. ولاردىڭ كولەمى 86,7 ميلليارد دوللاردى قۇرادى»، - دەدى مينيستر ۇكىمەت وتىرىسىندا.

ونىڭ ايتۋىنشا، تۇتاستاي العاندا جالپى ىشكى ءونىم ءوسىمىنىڭ ارتۋى بايقالىپ وتىر.

«بيىلعى قاڭتار- مامىر ايلارىندا كەن ءوندىرۋ ونەركاسىبى %2 ۇلعايدى. بۇل رەتتە مۇناي ءوندىرۋ كولەمى %3,2 قىسقاردى. مۇنى جوسپارلى جوندەۋ جۇمىستارىمەن بايلانىستىرۋعا بولادى. سونىمەن قاتار وڭدەۋ ونەركاسىبىندەگى ءوسىم %3,6 قۇرادى. بۇل مۇناي وندىرۋدەگى قىسقارۋدىڭ ورنىن تولتىردى. قۇرىلىس قارقىنى دا ۇلعايىپ، 5 ايدا %8,8 ءوستى. اسىرەسە، ونەركاسىپ نىساندارىنىڭ، اۆتوموبيل جولدارىنىڭ، گاز قۇبىرلارىنىڭ قۇرىلىسى ارتتى. سونداي- اق ءىرى زاۋىتتاردا قۇرىلىس- مونتاجداۋ جۇمىستارى كوبەيدى»، - دەدى ر. دالەنوۆ.

مينيستر اۋىل شارۋاشىلىعىندا دا ورنىقتى ءوسۋ بايقالعانىن اتاپ ءوتتى. ونداعى ءوندىرۋ كولەمى %3,7 ارتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى