پاۆلوداردا ازىق-تۇلىك باعاسى تومەندەدى

- الەۋمەتتىك ماڭىزى بار 19 ازىق-تۇلىك تاۋارىنىڭ باعاسىن تۇراقتاندىرۋ ماسەلەسى باسقارمامىزدىڭ تۇراقتى باقىلاۋىندا، - دەدى ۆەدومستۆودا.

باعانى تۇراقتاندىرۋ اياسىندا باسقارما پاۆلودار قالاسىنىڭ اكىمدىگىمەن بىرلەسىپ، اۋىلشارۋاشىلىق تاۋار وندىرۋشىلەرىمەن، كوتەرمە جەتكىزۋشىلەرمەن 20 مەموراندۋمعا قول قويدى. ال قالا مەن اۋدان اكىمدىكتەرى 2019 -جىلعا وبلىستىڭ 99 الەۋمەتتىك دۇكەنىمەن «الەۋمەتتىك دۇكەندەردىڭ» جۇمىس ەتۋىن قامتاماسىز ەتۋ جونىندەگى مەموراندۋمدار جاساستى. تۇراقتاندىرۋ قورىنان تومەن باعامەن ءونىم بوساتىلۋدا. اپتا سايىنعى نەگىزدە اۋىل شارۋاشىلىعى جارمەڭكەلەرى وتكىزىلەدى. ستاتيستيكا دەپارتامەنتىنىڭ دەرەكتەرى بويىنشا، 2019 -جىلدىڭ 3-7 ماۋسىم ارالىعىندا ءبىرقاتار باعالاردىڭ تومەندەۋى تىركەلدى. - اق قاۋداندى قىرىققاباتتىڭ كەلىسى 175 تەن 160 تەڭگەگە (8,6 پايىزعا)، 1-ساناتتى تاۋىق جۇمىرتقاسى 233 تەن 230 تەڭگەگە (1,2 پايىز) دەيىن تومەندەگەن.

اعىمداعى جىلدىڭ 1 -ماۋسىمىنان باستاپ ەلدىڭ وڭتۇستىك وڭىرلەرىنەن كەلىسى 85 تەڭگە بولاتىن باعامەن اق قاۋداندى قىرىققابات جەتكىزۋ ۇيىمداستىرىلدى.

ايتا كەتەيىك، پاۆلودار قالاسىنىڭ اكىمدىگى «الەۋمەتتىك دۇكەن» ماڭدايشا جازۋىمەن 5 الەۋمەتتىك پاۆيلون ورناتتى. تاعى 3 پاۆيلون ورناتۋ ساتىسىندا. سونىمەن قاتار، «زاتون» بازارىندا 1 الەۋمەتتىك ءبولىم جانە «كاراۆان» بازارىندا 3 ءبولىم اشىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى