سولتۇستىك قازاقستانعا ا ق ش تۇرعىنى كوشىپ كەلدى
س ق و پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، وڭىرگە كوشىپ كەلۋگە نيەت ەتكەندەردىڭ ءبىرى - 89 جاستاعى ۆەرا بۋرلاكوۆا. سولتۇستىك قازاقستان ونىڭ تۋعان جەرى. 2004 -جىلى ا ق ش-قا قىزىنىڭ قولىنا كوشىپ كەتكەن ول ەندى 15 جىلدان كەيىن تۋعان ەلگە ساعىنىشپەن ورالۋدا.
«مەن وسى جەردە تۋىپ، ءوستىم. فابريكادا، اۆتوبۋس پاركىندە جۇمىس ىستەدىم. كۇيەۋىمىز ەكەۋىمىز التى بالانى ومىرگە اكەلدىك. شەتەلگە 75 جاسىمدا قونىس اۋداردىم. ءبىراق، كوشكەننەن ەلدى ساعىنۋمەن بولدىم. قايتىپ كەلگەنىمە قۋانىشتىمىن. بۇل جەردە مەنىڭ تۋىستارىم، نەمەرەلەرىم مەن جيەندەرىم تۇرادى»، - دەيدى ۆەرا يۆانوۆنا بۋرلاكوۆا.
ا ق ش-تىڭ تاعى ءبىر تۇرعىنى كريستەن دەنيەلسون قازاقستانعا كوشىپ كەلۋدى جوسپارلاعان. وبلىستىق كوشى-قون قىزمەتى باسقارماسىنا ول قۇجاتتارىن ماۋسىمنىڭ 7 سى تاپسىردى. ازىرشە تەك ءبىر ايعا عانا تىركەلدى. ايتۋىنشا، شەتەلدىك 2016 -جىلى سولتۇستىك قازاقستاندىقپەن تانىسىپ، ەندى قالعان ءومىرىن سونىڭ وتانىمەن بايلانىستىرماقشى.
س ق و پ د كوشى-قون قىزمەتى باسقارماسىنىڭ باستىعى تالعات ابىليەۆتىڭ ايتۋىنشا، تۇراقتى مەكەنجايعا تىركەلۋ ءۇشىن ەكى ايعا جۋىق ۋاقىت كەتەدى. ءوتىنىش بەرمەس بۇرىن ءبىرقاتار قۇجاتتاردى ازىرلەۋ كەرەك. ەڭ الدىمەن كوشەتىن ەلدەن كەتۋ پاراقشاسىن جانە سوتتىلىق جونىندە انىقتاما الۋ قاجەت. جالپى كەرەك قۇجاتتاردىڭ سانى شامامەن ونعا جەتەدى. قاجەتتى تولىق ماعلۇماتتى س ق و پ د ۆەب-پورتالىنان الۋعا بولادى.
