پوليتسيا سايلاۋدا بارىنشا ۇستامدى بولۋ تۋرالى مەنىڭ تاپسىرمامدى ورىندادى - ق ر پرەزيدەنتى
«شىنىمەن دە الماتى مەن ەلوردادا ادامدار ءوز ويلارىن ءبىلدىرۋ ءۇشىن كوشەگە شىقتى. باس پروكۋراتۋرا مۇنداي ارەكەتتەردى زاڭسىز دەپ جىكتەۋى مۇمكىن»، - دەدى ول ب ا ق وكىلدەرىنىڭ ساۋالىنا وراي.
مەملەكەت باسشىسى كەيبىر ازاماتتاردىڭ تاراپىنان ارانداتۋشىلىق ارەكەتتەرىنىڭ ورىن الۋىنا بايلانىستى پوليتسيا قىزمەتكەرلەرى وزگە ادامداردىڭ قاۋىپسىزدىگى مەن تىنىشتىعىنا قاۋىپ توندىرمەۋ ءۇشىن شارا قولدانعانىن ايتتى. سونىمەن قاتار مەملەكەت باسشىسى سايلاۋ كۇنىندە قوعامدىق قاۋىپسىزدىكتى قامتاماسىز ەتكەن پوليتسيا قىزمەتكەرلەرىنە ريزاشىلىعىن ءبىلدىردى.
«تاعى دا اتاپ وتكىم كەلەدى. سايلاۋ قارساڭىندا مەنىڭ تاراپىنان سايلاۋ كەزىندە بارىنشا ۇستامدىلىق تانىتۋ قاجەتتىلىگى تۋرالى تاپسىرمام بولدى. ولار سونى جاسادى»، - دەدى قاسىم- جومارت توقايەۆ.
اۆتور: مارلان جيەمباي
