بەنزين باعاسىنىڭ تومەندەۋىنە ەنەرگەتيكا ءمينيسترى تۇسىنىك بەردى

بۇل تۋرالى پارلامەنت ماجىلىسىندەگى ۇكىمەت ساعاتىنىن كەيىن تىلشىلەرگە ەنەرگەتيكا ءمينيسترى قانات بوزىمبايەۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىندە قازاقستاندا جوعارى وكتاندى بەنزين بويىنشا، ياعني اي-92 جانە اي-95 بەنزينىنە قاتىستى پروفيتسيت جالعاسىپ كەلەدى. وسى ورايدا بۇل جاعداي نارىققا اسەر ەتۋدە، بەنزين بويىنشا ۇسىنىس كوپ. ال تۇتىنۋ كولەمى قارقىندى ءوسىپ جاتقان جوق»، - دەپ توقتالدى مينيستر.

ونىڭ سوزىنە قاراعاندا، وسى جاعداي مۇنايشىلار ءۇشىن ءتيىمسىز بولىپ تۇر.

«سەبەبى ولار ءۇشىن ىشكى نارىققا مۇناي جەتكىزۋدىڭ تيىمدىلىگى تومەندەۋدە. ەكسپورتپەن سالىستىرعاندا ايىرماشىلىق ايتارلىقتاي جوعارى. ال تۇتىنۋشىلار ءۇشىن بۇل جاعداي ءتيىمدى ەكەنىن بەلگىلى. الايدا نارىق بۇعان ءتيىستى باعىتتا اسەر ەتەدى»، - دەدى قانات بوزىمبايەۆ.

سونىمەن قاتار ول كورشىلەس رەسەي مەن قازاقستاننىڭ نارىعىنداعى احۋال ءارتۇرلى ەكەنىن جەتكىزدى. ازىرگە قازاقستاندا بەنزين ارزانداسا، رەسەيدە باعا ءوسىپ كەلەدى.

«بۇگىندە ىشكى نارىقتا مۇناي ونىمدەرىنە باعا نارىقتىق نەگىزدە قالىپتاسادى، ياعني Argus كوتيروۆكاسى نەگىزىندە. بۇل ءوز كەزەگىندە ناقتى نارىقتىق باعا بەلگىلەۋ بولىپ سانالادى»، - دەدى مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى