اۋا رايى: الداعى ءۇش كۇندە دە جاڭبىر تولاستامايدى
بيىكتىكتەگى باريكالىق قويناۋعا بايلانىستى قازاقستاننىڭ باتىس وبلىستارىنان باسقا وڭىرلەردە توقتاۋسىز جاۋىن جاۋدى. سول ارقىلى بارەنس تەڭىزى مەن جايىقتىڭ سولتۇستىگىنەن تروپوسفەرالىق سالقىن جانە ىلعال اۋا كەلۋدە.
الداعى ءۇش تاۋلىكتە رەسپۋبليكاعا سالقىن جانە ىلعال اۋا كەلەتىندىكتەن اۋا رايى قازىرگىسىنەن وزگەرمەيدى. بۇرىنعىداي ەلىمىزدىڭ باسىم بولىگىندە قۇبىلمالى اۋا رايى بولادى، نايزاعايلى وتكىنشى جاڭبىر، رەسپۋبليكانىڭ تاۋلى ايماقتارى مەن تاۋ بوكتەرلەرىندە قاتتى نوسەر كۇتىلەدى.
اۋا تەمپەراتۋراسى ورتاشا كوپجىلدىق ماننەن 3.. .5°س تومەن ساقتالادى.
تەك باتىس جانە وڭتۇستىك باتىستا جوعارعى اتموسفەرالىق قىسىمنىڭ اسەرىنەن جاۋىن- شاشىنسىز جانە ىستىق اۋا رايى كۇتىلەدى، كۇندىز اۋا تەمپەراتۋراسى 30...38°س دەيىن جوعارىلايدى.
