داۋىس بەرۋ پروتسەسى ءبىرقالىپتى ءوتتى - باس پروكۋراتۋرا

«جالپى داۋىس بەرۋ پروتسەسى ءبىرقالىپتى ءوتتى. ازاماتتاردىڭ قۇقىقتارىن ورەسكەل بۇزۋشىلىق تىركەلگەن جوق. سايلاۋ زاڭناماسىن بۇزۋدىڭ 19 فاكتىسى انىقتالدى. اتاپ ايتقاندا، زاڭسىز ۇگىتتىڭ 1 فاكتىسى، ازاماتتاردىڭ قولدارىنا بىرنەشە بيۋللەتەن بەرۋدىڭ 11 فاكتىسى، جاشىككە 2-3 بيۋللەتەن سالۋ جانە ەكى ۋچاسكەدە داۋىس بەرۋدىڭ 2 فاكتىسى بەلگىلى بولدى. بۇل فاكتىلەر بويىنشا پروكۋرورلار 18 اكىمشىلىك ءىس قوزعادى. بىرنەشە بيۋللەنتەندەر بەرۋ ارەكەتى بويىنشا 12 ءىس، ەكى نەمەسە ودان كوپ بيۋللەتەن سالۋدىڭ، باسقا سايلاۋشى ءۇشىن داۋىس بەرۋدىڭ 6 فاكتىسى بويىنشا ءىس قوزعالدى»، - دەدى ول ورتالىق سايلاۋ كوميسسياسىنداعى بريفينگتە.

ونىڭ اتاپ وتۋىنشە، بارلىق ماتەريالدار قازىر سوتتا قارالىپ جاتىر.

 «زاڭ بۇزۋشىلىققا جول بەرگەن كوميسسيا مۇشەلەرى جۇمىستارىنان شەتتەتىلدى. مىسالى،  قىزىلوردا قالاسىنداعى 251 سايلاۋ ۋچەسكەسىندە ءبىر سايلاۋشىعا 5 بيۋللەتەن بەرىلگەنى تىركەلدى. وعان اكىمشىلىك ءىس 110-باپ بويىنشا قوزعالدى. 25 اەك كولەمىندە ايىپپۇل سالىندى. جالپى 2-3 بيۋللەتەن بەرۋ فاكتىسى بويىنشا الماتى قالاسىندا، الماتى، تۇركىستان وبلىستارىندا، ەلوردادا ەكى ۋچاسكەدە ءبىر سايلاۋشىعا قاتىستى پروكۋرورلار 108-باپپەن ءىس قوزعادى. ولاردىڭ 4-ەۋى سوتتا قارالدى. 25 اەك ايىپپۇل سالىندى»، - دەدى س. نۇرپەيىسوۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى