اناردىڭ دەنساۋلىققا پايداسى
اناردىڭ پايدالارى:
ەنەرگيا بەرىپ، ءشولدى جانە شارشاعاندى باسادى. دەنەنى، جۇرەكتى، اسقازاندى جانە ءتىس ەتتەرىن قۋاتتاندىرادى، ارتەريالىق قىسىمدى تۇسىرەدى، اسقازاننىڭ قابىنۋى، اۋىز جاراسى ءۇشىن پايدالى. يممۋنيتەت جۇيەسىن كۇشەيتەدى. قاتەرلى ىسىك جاسۋشالارىنىڭ دامۋىنا كەدەرگى بولىپ، دەنەنى قورعايدى. قانداعى حولەستەرين دەڭگەيىن جانە قان قىسىمىن تۇسىرەدى. تامىردىڭ بىتەلۋىن الدىن الىپ، تامىرلاردى اشادى. وسىنداي قاسيەتتەرى ەن جۇرەك پەن تامىر اۋرۋلارىنا قارسى قورعان بولادى. قانداعى قانت مولشەرىنىڭ دەڭگەيىن تەپە- تەڭدىكتە ۇستاپ، قانت ديابەتى اۋرۋلارىنا پايدالى بولىپ كەلەدى. تەرى اۋرۋلارىنا دا پايدالى. انار شىرىنى داۋىستىڭ شىعۋىنا كومەكتەسەدى.
اناردىڭ ەمدىك قاسيەتتەرى:
ەم رەتىندە انار جيدەگى، قابىقتارى، اعاشىنىڭ تامىرلارى، تامىرىنىڭ قابىقتارى جانە بۇتاقتارى قولدانىلادى. بۇل جەمىستى جەدەل ىشەك، ءزار شىعارۋ جولدارىنىڭ اۋرۋلارىن، قانازدىقتى، جۇقپالى تەرى اۋرۋلارىن ەمدەۋگە پايدالانادى.
انار قالاي قولدانىلادى؟
انار جيدەگى، قابىقتارى، اعاشىنىڭ تامىرلارى مەن بۇتاقتارى مەن تامىرىنىڭ قابىقتارى قولدانىلادى. بۇل جەمىستى جەدەل ىشەك، ءزار شىعارۋ جولدارىنىڭ اۋرۋلارىن، قانازدىقتى، اتەروسكلەروزدى، باسپا مەن جۇقپالى تەرى اۋرۋلارىن ەمدەۋگە پايدالانادى. كەپتىرىلگەن اناردان قايناتىلعان شاي جۇيكە جۇيەسىن تىنىشتاندىرادى. سۋىق دەرتىنە شالدىققاندار كۇنىنە ءبىر كەسە انار شىرىنىن ءبىر قاسىق بال ارالاستىرىپ ءىشۋى كەرەك. اناردىڭ قابىعىن سۋعا قايناتىپ، بۇل قوسپانى اۋىزىن شايىپ وتىرسا، ءتىس جەگىسىنىڭ الدىن الۋعا بولادى. شاشىڭىز ءجيى تۇسەتىن بولسا، تەرشەڭ بولساڭىز، وسى قايناتپانى پايدالانىڭىز.
