تەمەكى سەكىلدى قانتپەن دە كۇرەسەتىن ۋاقىت جەتتى
2007 -جىلدان باستاپ ادامداردى تەمەكىدەن باس تارتۋعا يتەرمەلەيتىن ءتۇرلى امالدار ويلاپ تابىلدى. ەندى قانتپەن دە وسى باعىتتا كۇرەسەتىن ۋاقىت جەتتى»، دەپ جازادى ۆۆس.
«ۇلى بريتانيانىڭ مەملەكەتتىك ساياسات زەرتتەۋلەرى ينستيتۋتى (IPPR) ءتاتتى تاعامداردى تارتىمسىز (سىرتقى قورابى ناشار، جاعىمسىز بەزەندىرىلگەن) قوراپتارعا سالۋدى ۇسىندى. ينستيتۋت ديرەكتورى توم كيباسيدىڭ ايتۋىنشا، بۇل دا قانتپەن كۇرەسۋ ءۇشىن ماڭىزدى قۇرال بولا الادى. دەگەنمەن، ازىق- تۇلىك فەدەراتسياسى برەندينگتىڭ «كوممەرتسيالىق ەركىندىككە» نەگىزدەلگەنىن ايتىپ، باسەكەلەستىك ءۇشىن تاتتىلەردىڭ سىرت كەلبەتى دە ماڭىزدى ەكەنىن اتاپ ءوتتى. ەندى دەنساۋلىق ساقتاۋ جانە الەۋمەتتىك قامتۋ دەپارتامەنتى انگليانىڭ باس مەديتسينا ديرەكتورى، پروفەسسور دام ساللي ءدەۆيستىڭ شەشىمىن كۇتۋدە»، دەپ جازادى باسىلىم.
اۆتوردىڭ ايتۋىنشا، 2030 -جىلعا دەيىن بالالار سەمىزدىگىن ازايتۋ ءۇشىن قازىردەن ارەكەت ەتە باستاۋ كەرەك.
«IPPR-دىڭ تاعى ءبىر ۇسىنىسى - ءتاتتى سۋسىن مەن باسقا دا ازىق-تۇلىكتەرگە سالىقتى كوبەيتۋ. دەگەنمەن، بۇل ءالى بەكىتىلمەدى. بالالار سەمىزدىگى تۋرالى ءجيى ايتىلىپ جۇرگەندىكتەن، ەندى قانتپەن كۇرەسۋ تۋرالى دا ءجيى ايتىلاتىن بولادى»، دەپ جازادى اۆتور.
