اكتەرلەردىڭ مانسابى كوبىنە ءساتسىز اياقتالادى - زەرتتەۋ

«كۇردەلى جۇيەلەر تەورياسىن زەرتتەۋ ورتالىعىنىڭ عالىمى ۆيتو لاتورا باستاعان ءبىر توپ زەرتتەۋشىلەر توبى مەن لوندون ۋنيۆەرسيتەتىنىڭ ماماندارى كينەماتورافيا مالىمەتتەرى جينالعان حالىقارالىق بازاداعى 1,5 ميلليون اكتەر مەن 900 مىڭ اكتريسانىڭ ءومىرىن ساراپتاعان. زەرتتەۋشىلەر 1888 - 2016 -جىلدار ارالىعىنداعى كەزەڭدى قاراستىرعان»، دەپ جازادى باسىلىم.

اۆتوردىڭ ايتۋىنشا، كينو مەن تەلەارنا پايدا بولعالى ناعىز جۇلدىزدار وتە از، ال جىلدام سونگەن مەتەوريتتەر كوپ بولعان.

«عالىمدار نىسانىنا ىلىككەن اكتەرلەردىڭ %90 ى جۇمىسسىز بولسا، %2 ى عانا ءوز ماماندىعىمەن تابىس تاپقان. اكتەرلەردىڭ %70 نىڭ مانسابى باستالعان جىلى-اق اياقتالىپ وتىرعان. ال باسقالارىندا جىل سايىن قۇلدىراۋ كەزەڭى بولعان»، دەپ جازادى اۆتور.

زەرتتەۋشىلەردىڭ ايتۋىنشا، ەكراننان ءجيى كورىنىپ جۇرگەن اكتەردىڭ جاڭا جۇمىسقا شاقىرتۋ الۋ مۇمكىندىگى كوپ بولادى.

«اكتەر ماماندىعىندا جيىرما جىلدان استام ۋاقىت جۇرگەن ادامداردىڭ ەڭ ءساتتى كەزەڭى مانسابىنىڭ باسىنا تۇسپا تۇس كەلەدى. عالىمداردىڭ ايتۋىنشا، ستاتيستيكا دەرەكتەرى ارقىلى اكتەردىڭ مانسابىنىڭ قانداي كۇيدە ەكەنىن 85 پايىزدىق دالدىكپەن انىقتاۋعا بولادى. دەگەنمەن، ستاتيستيكا ەكراننان جوعالىپ كەتكەن ادامداردىڭ قايتا ورالۋىن ناقتى ايتا المايدى. زەرتتەۋشىلەر العان مالىمەتتەر دە مۇنداي جاعدايلاردىڭ وتە سيرەك كەزدەسەتىنىن كورسەتىپ وتىر»، دەپ جازادى اۆتور.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى