ايبەك نۇعىماروۆ ەكى دۇركىن «قازاقستان بارىسى» اتاندى

ايتا كەتسەك، جارتىلاي فينالعا ايبەك نۇعىماروۆ (ش ق و)، ايبات سەيتەن (نۇر-سۇلتان)، رۋسلان ءابدىرازاقوۆ (الماتى) پەن ەراسىل قاجىبايەۆ (ش ق و) شىققان بولاتىن.

ەراسىل قاجىبايەۆ فينالعا بارار جولدا ايبات سەيتەندى جەڭسە، ايبەك نۇعىماروۆ رۋسلان ءابدىرازاقوۆتان ايلاسىن اسىردى.

تۋرنيردىڭ ءۇشىنشى ورنىن رۋسلان ءابدىرازاقوۆ يەلەندى. ايبات سەيتەنمەن وتكەن تارتىستى بەلدەسۋدە الماتىلىق بالۋان ايبات سەيتەننەن باسىم ءتۇستى.

ال فينالدىق بەلدەسۋدە شىعىسقازاقستاندىق قوس بالۋان ايبەك نۇعىماروۆ پەن ەراسىل قاجىبايەۆ ناعىز تارتىستى ونەر كورسەتتى. العاشقى ۇپايدى ەراسىل العانىمەن، بەلدەسۋ باستالعاننان كەيىن قاتەلىككە جول بەرىپ، ايبەك جارتىلاي جەڭىسكە جەتتى. تارتىستى ساتتەردىڭ بىرىندە ەراسىل ەسەپتى تەڭەستىرۋگە جاقىن قالعان ەدى. اقىرى، ايبەك نۇعىماروۆ تازا جەڭىپ، ەكى دۇركىن «قازاقستان بارىسى» اتاندى

ايتا كەتەرلىگى، ايبەك نۇعىماروۆ 2013 -جىلى دا «قازاقستان بارىسى» اتانعان بولاتىن.

ايبەككە 25 ميلليون تەڭگەدەن بولەك، التىن بەلبەۋ مەن التىننان قۇيىلعان اۋىسپالى «تايتۇياق» تابىس ەتىلدى. Ⅱ جانە Ⅲ ورىنعا يە بولعان ەراسىل قاجىبايەۆ پەن رۋسلان ءابدىرازاقوۆا 5 ميلليون جانە 1 ميلليون 800 مىڭ تەڭگە بەرىلدى. سونىمەن قاتار، پالۋاندارعا ءار جەڭىسى ءۇشىن 100 مىڭ تەڭگە اقشالاي سىيلىق تابىستالدى.

ەسكە سالا كەتسەك، ەلوردانىڭ «بارىس-ارەنا» سپورت كەشەنىندە «قازاقستان بارىسى - 2019» ءتۋرنيرى ءوتىپ جاتىر. رەسپۋبليكالىق ءتۋرنيردى «Qazaqstan» جانە «Qazsport» تەلەارنالارى تىكەلەي ەفيردە كورسەتۋدە.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى