گولوۆكين-روللس اندەركارتى: قازاقستاندىق «نوكاۋت كورولى» جەڭىلىسكە ۇشىرادى

ورتا سالماقتاعى ەيۋبوۆ- سەبالو بوكسى 8 راۋندقا سوزىلدى. باقتيار ەيۋبوۆ ءبىرىنشى راۋندتا كوبىنە قورعانا قيمىلدادى. سەبالو راۋند سوڭىنا تامان قارسىلاسىنا بىرنەشە اپپەركوت وتكىزە الدى. باقتيار ءۇشىنشى راۋندتىڭ ورتاسىندا قارىمتا شابۋىلدارعا يەك ارتىپ، باسىمدىقتى ءوز جاعىنا اۋداردى. الايدا، التىنشى راۋندتا سەبالو قارقىن ۇدەتە باستادى. بويشاڭ امەريكالىقتىڭ سوققىلارى جەرلەسىمىزگە ءدوپ ءتيىپ جاتتى. سوڭعى مينۋتتا قوس سپورتشى اشىق ايقاسقا شىقتى.

تورەشىلەردىڭ شەشىمىمەن برايان سەبالو ۇپاي سانىمەن جەڭىسكە جەتتى. وسىلايشا، باقتيار ەيۋبوۆ كاسىبي رينگتە ءبىرىنشى رەت جەڭىلىسكە ۇشىرادى.

بىلتىر ماۋسىم ايىندا اقتوبە تۋماسى دەترويتتاعى بوكس كەشىندە تاجىريبەلى امەريكالىق بوكسشى نيكولاس گيۆەندى تەحنيكالىق نوكاۋتپەن جەڭگەن بولاتىن. ءسويتىپ، ول IBF تۇجىرىمى بويىنشا ءبىرىنشى ورتا سالماقتاعى چەمپيون وڭىرلىك تيتۋلىنا يە بولدى.

ايتا كەتەيىك، نيۋ-يوركتەگى باستى بوكس كەشىن قازاقستاندىقتار تىكەلەي ەفيردە «Qazsport» جانە «Qazaqstan» تەلەارنالارىنان كورە الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى