قازاقستان اسكەري تىكۇشاقتار قۇراستىرادى

ق ر سيفرلىق دامۋ، قورعانىس جانە ايەروعارىش ونەركاسىبى مينيسترلىگىنىڭ باسپا ءسوز قىزمەتىنەن ءمالىم ەتكەندەي، اسكەري تىكۇشاقتار «ەۋروكوپتەر قازاقستان ينجينيرينگ» ج ش س بازاسىندا شىعارىلادى. بۇعان دەيىن قازاقستاندا، ءتىپتى ورتالىق ازيا ەلدەرىندە اسكەري تىكۇشاق شىعارىلعان ەمەس.

وتىرىستا ق ر قارۋلى كۇشتەرى جانە ءۇشىنشى ەلدەر ءۇشىن دە قارۋ مەن اسكەري تەحنيكانىڭ پەرسپەكتيۆالى تۇرلەرىن وندىرۋگە تەحنولوگيالار ترانسفەرتى مەن ينۆەستيتسيالاردى ارتتىرۋعا باستى نازار اۋدارىلدى.

ق ر سيفرلىق دامۋ، قورعانىس جانە ايەروعارىش ونەركاسىبى ءبىرىنشى ۆيتسە- ءمينيسترى تالعات جانجۇمەنوۆتىڭ توراعالىعىمەن وتكەن كوميسسيا جۇمىسىنا قازاقستاننىڭ مەملەكەتتىك ورگاندارى جانە قورعانىس سالاسىنداعى كاسىپورىندارىنىڭ وكىلدەرى، فرانسيانىڭ Nexter, Safran, Thales, Airbus سىندى وننان استام قورعانىس كاسىپورىندارىنىڭ وكىلدەرى قاتىستى. فرانسۋز دەلەگاتسياسىن فرانسيا قارۋلى كۇشتەرى مينيسترلىگىنىڭ وكىلى، قارۋلانۋ گەنەرال- ينجەنەرى توما لەرن باستاپ كەلدى.

ەكى كۇنگە سوزىلعان جۇمىستىڭ ناتيجەسىندە Safran كومپانياسىمەن رەسەي جانە ەۋروپا تىكۇشاقتارى ءۇشىن شولۋ جۇيەلەرىن قۇراستىرۋ، СУ-30СМ تىكۇشاقتارىنا ارنالعان اۆياتسيالىق ەلەكترونيكالار ءوندىرىسىن ۇيىمداستىرۋ جانە ولارعا سەرۆيس قىزمەتتەرىن كورسەتۋ تۋرالى كەلىسىمدەرگە قول جەتكىزىلدى.

تاراپتار اسكەري- تەحنيكالىق سالاداعى ءوزارا ءتيىمدى ىنتىماقتاستىقتى ودان ءارى كەڭەيتۋگە، ءوزارا ينۆەستيتسيالاردى تارتۋعا كەلىسىپ، حاتتاماعا قول قويدى.

«ەۋروكوپتەر قازاقستان ينجينيرينگ» ج ش س - قازاقستان رەسپۋبليكاسى پرەزيدەنتىنىڭ تاپسىرماسىمەن 2011 -جىلى قۇرىلعان بىرلەسكەن كاسىپورىن. تىكۇشاقتاردى قۇراستىرۋ جوباسى پاريتەتتىك نەگىزدە ىسكە اسىرىلادى: ونىڭ باسىندا «قازاقستان ينجينيرينگ» ۇلتتىق كومپانياسى» ا ق مەن «Airbus Helicopters» زاۋىتى تۇر. بىرلەسكەن كاسىپورىننىڭ ماقساتى - ءوڭىر ەلدەرىنىڭ تىكۇشاق تەحنيكاسىنا دەگەن سۇرانىسىن قامتاماسىز ەتۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى