نۇرسۇلتان نازاربايەۆ بيلىك ترانزيتىن الەم باسشىلارى قالاي قابىلداعانىن ايتتى
«ەلىمىز تۇراقتاندى، دۇنيەجۇزىنە بەلگىلى قازاقستان قالىپتاستى. ەلدىڭ ەكونوميكاسى، حالىقتىڭ ءال-اۋقاتى كوتەرىلدى. قازاقستاندى جاڭعىرتۋعا باعىتتالعان ءبىرقاتار باعدارلاما قابىلدانىپ، ىسكە اسىرىلۋدا. ونىڭ بارلىعىنا سىزدەر اتسالىسىپ، جوسپارلانعان رەفورمالار تابىستى ىسكە اسۋى دا سىزدەردىڭ شەشىمدەرىڭىزگە بايلانىستى. اسىرەسە، ەل ەكونوميكاسىن وركەندەتۋدە كەيىنگى كەزدە كوپتەگەن شارالار قابىلداندى. الەمدە بولىپ جاتقان جاعدايدى بىلەسىزدەر. ەكونوميكا مەن تەحنولوگيالار جاعىنان سۇراپىل كۇرەس ءجۇرىپ جاتىر. بىزگە الپاۋىت ەلدەردىڭ ورتاسىندا وتىرىپ، تاۋەلسىزدىگىمىزدى ساقتاپ قالىپ، ءوزىمىزدىڭ ساياساتىمىزدى جۇرگىزىپ، سولارمەن دوس بولىپ، جۇمىس ىستەۋ وڭايعا تۇسكەن جوق. وسىنىڭ بارلىعىن جاقسى بىلەسىزدەر»، - دەپ توقتالدى ەلباسى پارلامەنت سەناتىندا وتكەن سالتاناتتى شارادا.
وسى ورايدا، ن. نازاربايەۆ بۇل باعىتتا كوپتەگەن كەلىسسوزدەر مەن كەزدەسۋلەر وتكەنىن اتاپ ءوتتى. قازاقستان الىپ ەلدەردىڭ الدىنداعى دارەجەسىن تەك پاراساتتىلىقپەن، اقىلمەن، دۇرىس قارىم-قاتىناسپەن، كورشىلىك بايلانىستارمەن كوتەردى.
«بۇل ميسسيادا كوپتەگەن ماڭىزدى زاڭداردى قابىلدادىڭىزدار. ءتيىستى جوبالاردى جان-جاقتى قاراپ، ساپالى زاڭ شىعارۋ سىزدەرگە سەنىپ تاپسىرىلعان ميسسيا. پارلامەن سەناتىنىڭ ەرەكشەلىگى - ءار وڭىردەن سايلانعاندىعى. ونىڭ ۇستىنە سىزدەر وڭىرلەردىڭ جاعدايىن جاقسى بىلەسىزدەر»، - دەدى تۇڭعىش پرەزيدەنت سەناتورلارعا قاراتا ايتقان سوزىندە.
بۇدان بولەك، ەلباسى ءوزىنىڭ پرەزيدەنتتىك وكىلەتتىگىن توقتاتۋ تۋرالى شەشىمىن كوپتەگەن ەلدەردىڭ باسشىلارى قالاي قابىلداعانىن ايتىپ بەردى.
«مەن ءوزىمىنىڭ وكىلەتتىگىمدى توقتاتۋ تۋرالى شەشىم جاساعاندا، بارلىق مەملەكەت باسشىلارىنان حات الدىم جانە ولارمەن تەلەفون ارقىلى سويلەستىم. وسىنداي رەاكتسيا بولاتىنىنا ءوزىم تاڭعالدىم. بۇدان ءبىزدىڭ بارلىعىنا تاعى دا ۇلگى كورسەتكەنىمىزدى بايقاۋعا بولادى. ياعني، بيلىك ءترانزيتى ماسەلەسىن قالاي شەشۋ كەرەكتىگىن كورسەتتىك. وسى ورايدا بارلىق قادامداردا حالىق دانالىعى بولۋى ءتيىس»، - دەدى ن. نازاربايەۆ.
بۇدان بۇرىن حابارلانعانداي، بۇگىن ق ر پارلامەنتى سەناتىندا تۇڭعىش پرەزيدەنت- ەلباسى نۇرسۇلتان نازاربايەۆقا «قۇرمەتتى سەناتور» توسبەلگىسى مەن كۋالىگى تابىستالدى.
ەلباسى نۇرسۇلتان نازاربايەۆ پارلامەنت سەناتىنىڭ دەپۋتاتتارىمەن اقىلداسۋعا ءجيى كەلىپ تۇراتىنىن ايتتى.
