سايلاۋ كۇنى دروندار ۇشىرۋعا شەكتەۋ قويىلادى

«2019 -جىلعى 9 -ماۋسىمدا ساعات 04:00-دەن 24:00 گە دەيىن نۇر-سۇلتان جانە الماتى قالالارىنىڭ اۋماقتارىندا ۇشقىشسىز ۇشۋ اپپاراتتارىن پايدالانۋ بويىنشا ۋاقىتشا شەكتەۋ قويىلادى. بۇل ق ر ي ي د م، ق ر ءى ءى م جانە ق ر قورعانىس مينيسترلىگىنىڭ كەلىسىلگەن شەشىمى ەكەنىن حابارلايمىز. شەكتەۋلەر جەر بەتىنەن 500 مەترگە دەيىنگى بيىكتىككە قولدانىلادى»، - دەلىنگەن ازاماتتىق اۆياتسيا كوميتەتى مالىمەتىندە.

وسىعان بايلانىستى اتالعان ەلدى مەكەندەر بويىنشا بەلگىلەنگەن مەرزىمدە ۇشۋعا رۇقسات بەرىلمەيدى.

«بۇل شەكتەۋلەر نۇر-سۇلتان مەن الماتى اۋەجايلارىنىڭ قىزمەتىنە جانە جوسپارلى رەيستەردى جۇزەگە اسىرۋعا اسەر ەتپەيدى. شەكتەۋلى ۇشۋ ايماعىندا (ۇشقىشسىز ۇشۋ اپپاراتىن ۇشىرعان جاعدايدا) رۇقسات ەتىلمەگەن اپپاراتتى قولدانعان ادامعا 10 ا ە ك مولشەرىندە، لاۋازىمدى تۇلعالارعا 20 ا ە ك مولشەرىندە اكىمشىلىك ايىپپۇل سالىنادى (اكىمشىلىك كودەكسىنىڭ 563-بابى)»، - دەلىنگەن حابارلامادا.

ۇشۋ اپپاراتتارىن پايدالانۋ ءتارتىبى ق ر ي ي د م سايتىندا جاريالانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى