توتەنشە جاعدايلار كوميتەتى الماتى وبلىسىنداعى اۋىلدى سۋ باسۋ سەبەبىن اتادى
بۇل تۋرالى بۇگىن ق ر ىشكى ىستەر مينيسترلىگىندە وتكەن بريفينگتە توتەنشە جاعدايلار كوميتەتىنىڭ ءتوراعاسى ۆلاديمير بەككەر ايتتى، دەپ حابارلايدى قازاقپارات ءتىلشىسى.
ۆلاديمير بەككەردىڭ ايتۋىنشا، قازىر اۋلالار مەن ۇيلەرگە كىرگەن سۋ تۇگەلدەي سورعىتىلىپ جاتىر. ماماندار اۋىل ءىشىن باتپاق پەن ۇيىندىلەردەن دە تازارتۋدا.
«تاۋدان اققان تاسقىن سەكۋندىنا 20 تەكشە مەتر جىلدامدىقپەن كەلگەن. ال اۋىلدىڭ ارىق جۇيەسى سەكۋندىنا 5 تەكشە مەتر سۋ عانا وتكىزە الاتىن. قالعان 15 تەكشە مەتر ارنادان اسىپ، اۋىلعا جايىلعان»، - دەدى ول.
كوميتەت ءتوراعاسى قازىر وقيعا ورنىندا الماتى وبلىسى اكىمىنىڭ ورىنباسارى باستاعان كوميسسيا جۇرگەنىن، تۇرعىندارعا كەلگەن شىعىندى سولار ەسەپتەيتىنىن باياندادى.
«اكىمدىكتىڭ اقپاراتتىق اكتىسىنە سۇيەنسەك، بارلىعى 181 اۋلاعا لاي كىرگەن، 31 ءۇيدى سۋ العان. ونىڭ ىشىندە جەرتولەلەر دە بار. تاسقىننىڭ سالدارىن جويۋعا 37 تەحنيكا، 186 ادام جۇمىلدىرىلدى. كەشە ءبىر كۇن ىشىندە 163 ءۇيدىڭ اۋلاسىن سورعىتتىق. جۇمىس ءالى جالعاسىپ جاتىر»، - دەيدى كوميتەت ءتوراعاسى.
ونىڭ سوزىنشە، پەنجىم اۋىلىندا ءدال مۇنداي جاعداي قايتالانباۋى ءۇشىن ەلدى مەكەننىڭ تاۋ جاعىنان ارنايى بوگەت توسەلدى. ونىڭ بيىكتىگى -1 مەتر، ۇزىندىعى - 400 مەتردى قۇرايدى.
