قازاقستاننىڭ مەملەكەتتىك قارىزى قانشا
«ەسەپتى تالقىلاۋ كەزىندە مەملەكەتتىك قارىزدىڭ وسۋىنە جانە كۆازيمەملەكەتتىك سۋبەكتىلەردىڭ بورىشىنا بارىنشا نازار اۋدارىلدى. ۇكىمەت الدىنداعى باستى مىندەت - ول مەملەكەتتىك قارىز كولەمىن قاۋىپسىز دەڭگەيدە ساقتاۋ. ول ءۇشىن، ءبىز بيۋدجەتتىڭ كۇتىلەتىن كىرىستەرىن جانە الەۋمەتتىك تولەمدەردىڭ ءوسۋىن ەسكەرە وتىرىپ، ون جىلدىق كەزەڭگە ىقتيمال قارىز جۇكتەمەسىن ەسەپتەيمىز»، - دەدى ءا. سمايىلوۆ ق ر ۇكىمەتىنىڭ 2018 -جىلعى رەسپۋبليكالىق بيۋدجەتتىڭ اتقارىلۋى تۋرالى ەسەبىن تانىستىرۋ كەزىندە.
«مەملەكەتتىك قارىز ەسەپتى جىلدىڭ سوڭىندا تومەن دەڭگەيدە قالىپ وتىر. ونىڭ مولشەرى جالپى ىشكى ونىمگە شاققاندا 25,8 پايىزدى قۇرادى»، - دەدى ۇكىمەت باسشىسىنىڭ ءبىرىنشى ورىنباسارى.
بۇدان بۇرىن حابارلانعانداي، وتكەن جىلى رەسپۋبليكاملىق بيۋدجەت شىعىستارى 99,8 پايىزعا ورىندالدى. رەسپۋبليكالىق بيۋدجەتتىڭ الەۋمەتتىك شىعىستارىنىڭ ۇلەسى 44 پايىز بولىپ قالىپتاستى.
