جەتىسايلىق ديقان تابيعي تازا قاۋىن ءوسىرۋدى قولعا الدى

ول ءۇشىن جەرگىلىكتى شارۋا وزىنە تيەسىلى 10 گەكتار القاپقا مالدىڭ كوڭىن توگىپ، توپىراقپەن ارالاستىرعان. سول جەرگە ەشقانداي حيميالىق قوسپاسىز، تابيعي مينەرالدى تىڭايتقىشتاردىڭ كومەگىمەن قاۋىن ەگىپ، مول ءونىم الۋدى جوسپارلاپ وتىر. بىلتىر وسى ادىسپەن 5 گەكتار جەرگە قاۋىن ەگىپ كورگەن ديقان تابيعي تازا ونىمگە سۇرانىستىڭ كوپ بولعانىن ايتادى.

«دارىمەن پىسكەن قاۋىندار سياقتى ۇلكەن بولماعانىمەن ءدامى ءتىل ۇيىرەدى»، -  دەيدى ديقان. وتكەن جىلى ءار گەكتارىنان 25 توننادان ءونىم الىپ، ونىڭ 70 پايىزىن رەسەيگە، قالعانىن ەلىمىزدىڭ سولتۇستىك، باتىس جانە شىعىس وڭىرلەرىنە جونەلتكەن. شارۋا تۇقىمدى الدىمەن جىلىجايدا ءوسىرىپ، كەيىن كوشەتىن توپىراققا وتىرعىزادى. قازىر قاۋىننىڭ جاپىراعى جايقالىپ، تۇينەك سالا باستاپتى. ەندى ءبىر ايدان سوڭ تابيعي تازا ءونىم ساۋدا سورەلەرىنە شىعارىلادى.

مۇسا ابيبوللايەۆ، شارۋاشىلىق جەتەكشىسى:

-  قازىر كورگەندەرىڭىزدەي، شىعىمى جامان ەمەس. گۇلى ءبارى شىقتى. تۇينەككە وتىردى. بۇل جەردەگى ماقسات -  ەكولوگيالىق تازا، ەشقانداي حيميالىق دارىلەردى قولدانباي تازا ءونىم الۋ. بيىل دا رەسەيگە جونەلتىلەدى دەپ جوسپارلاپ وتىرمىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى