كۇن تۇتىلۋىنىڭ العاشقى بەينەجازباسى جاريالاندى

 سوناۋ 1900 -جىلدىڭ 28 - مامىرى كۇنى استرونوم نيەۆيل ماسكەلاين سولتۇستىك كاروليناداعى بريتانيا استرونوميالىق قاۋىمداستىعىنا بارعان ساپارىندا كۇننىڭ تۇتىلۋىن تاسپاعا ءتۇسىرىپ العان. ول تەلەسكوپتىق اداپتەرعا بەكىتىلگەن قاراپايىم كامەرانى قولدانعان. ۆيدەو بۇعان دەيىن بريتانيا كورولدىك استرونوميالىق قوعامىنىڭ مۇراعاتىندا ساقتالعان. بۇل ماسكەلايننىڭ ەكىنشى ۆيدەوسى. 1898 -جىلى تۇسىرىلگەن العاشقى بەينەجازباسى قولدى بولعان.

 بريتانيا كينو ينستيتۋتى بەينەجازبانى 4ك ساپاسىمەن وڭدەپ شىعارعان. بۇل ءۇشىن قاۋىمداستىققا ءار كادردى بولەك جيناپ، وڭدەۋگە تۋرا كەلگەن. دەگەنمەن YouTube جەلىسىندە ۆيدەو تەك 720p ساپاسىمەن جۇكتەلگەن. كۇننىڭ تولىق تۇتىلۋى تاڭعالارلىق كورىنىس. اسپاندا قارا دوڭگەلەكتى جانە ونىڭ اينالاسىنداعى تاماشا شۇعىلا كۇن ءتاجىن كورەمىز. ول -  كۇننىڭ قاتتى قىزعان اتموسفەراسىنىڭ جارقىراعان سىرتقى بولىكتەرى. كۇننىڭ تولىق تۇتىلۋى كەزىندە قاراڭعىلىق تەز تۇسەدى. بۇكىل كوكجيەكتە قىزعىلت شاپاققا ۇقسايتىن جارقىراۋ بايقالادى. تولىق كۇن تۇتىلۋى جەرگە اي كولەڭكەسىنىڭ داعى تۇسكەن ورىننان عانا كورىنەدى. داقتىڭ ديامەترى 250 شاقىرىمنان ارتپايدى، سوندىقتان ءبىر مەزگىلدە كۇننىڭ تولىق تۇتىلۋى تەك جەردىڭ از عانا بولىگىندە كورىنەدى. تولىق تۇتىلۋ فازاسى 7 مينۋت 70 سەكۋندتان ارتىققا سوزىلمايدى.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى